2024 jyldyŋ bırınşı qaŋtarynan bastap 17 jastaǧy balalardy äskeri esepke qoiu avtomatty türde jürgızıledı. Būl turaly Qorǧanys ministrlıgınıŋ baspasöz qyzmetı jazdy, dep habarlaidy «Adyrna» tılşısı.
«Ministrlık Prezidenttıŋ «Memlekettık apparattyŋ qyzmetın biurokratiiadan aryltu jönındegı şaralary turaly» Jarlyǧynyŋ erejelerın däiektı türde ıske asyrady. Bastamany Premer-Ministr, müddelı memlekettık organdar, Astana, respublikalyq maŋyzy bar qalalar men oblystardyŋ äkımdıkterı qoldady. Ony ıske asyru memlekettık organdardyŋ aqparattyq jüielerın modifikasiialau men yqpaldastyrudyŋ arqasynda mümkın boldy. Būl elımızdıŋ 16-60 jas aralyǧyndaǧy azamattaryn äskeri esepke aludyŋ tolyq qamtylyp jürgızıluıne mümkındık berdı»,—delıngen habarlamada.Qoldanystaǧy zaŋǧa säikes jyl saiyn on jetı jasqa tolatyn er azamattardy tırkeu jürgızıledı. Basqarmanyŋ aituynşa, mūndai prosedura äskeri qyzmetke jaramdylyq deŋgeiın anyqtai alady.
«Jyl saiyn 120 myŋǧa juyq 17 jasar bala äskeri esepke alynady. Qyzmettı avtomattandyru şaqyru uchaskelerıne tırkeudı ūiymdastyru jäne jürgızu üşın jergılıktı atqaruşy organdarǧa jyl saiyn bölınetın milliard teŋgeden asa biudjet qarajatyn ünemdeuge mümkındık beredı. Al ünemdelgen qarajat medisinalyq komissiia müşelerıne eŋbekaqy töleu, şalǧaidaǧy auyldyq okrugterden jastardy äskeri komissariattarǧa aldyru, keŋse tauarlary jäne t. b. qyzmetterge jūmsalatyn bolady»,—dep tolyqtyrdy ministrlık.
Ūqsas jaŋalyqtar
