Qazaqstan qaruly küşterınde äskeri qyzmetşılerdıŋ mobildı bailanys qūraldaryn paidalanu tärtıbı özgerdı, dep habarlaidy "Adyrna" ūlttyq portaly.
Būl turaly qorǧanys ministrlıgı habarlady.
Jaŋa talaptar qorǧanys ministrınıŋ 2026 jyldyŋ 30 nauryzdaǧy būiryǧymen bekıtılgen. Qūjat äskeri bölımderge mobildı qūrylǧylardy alyp kıru, alyp şyǧu jäne paidalanu tärtıbın qaita qarastyrady.
Būǧan deiın sarbazdarǧa tek qarapaiym batyrmaly telefondardy qoldanuǧa rūqsat etıletın. Olar da şekteulı uaqytqa jäne tek kazarma aumaǧynda ǧana berıletın.
Endı erejeler bırşama jeŋıldedı. Sarbazdar, kursanttar jäne kadetterge smartfondardy kazarmaǧa deiın alyp keluge rūqsat berıldı. Alaida qūrylǧylar mındettı türde öşırulı küide boluy tiıs.
Smartfondardy äskeri bölım ışınde, äskeri gospitaldar men medisinalyq bölımşelerde qoldanuǧa bolady.
Qorǧanys ministrlıgınıŋ mälımetınşe, telefon paidalanu tärtıbın är bölımde komandirler belgıleidı. Qūrylǧylardy tek ışkı kün tärtıbımen belgılengen jeke uaqyt ışınde paidalanuǧa rūqsat etıledı.
