Memleket basşysyna Türkıstan oblysynyŋ Saryaǧaş audanynda 5 jasar qyz balanyŋ öltırılgenı jönındegı qaiǧyly oqiǧa turaly mälımet berıldı. Būl turaly Aqorda jazdy, dep habarlaidy «Adyrna» tılşısı.
«Qūqyq qorǧau organdary ıstı tergeu amaldaryn jürgızıp jatyr. Küdıktı anyqtaldy. Qolda bar aqparat boiynşa, küdıktı būǧan deiın kısı öltırgenı üşın sottalyp, 10 jylǧa bas bostandyǧynan aiyrylǧan. Biyl oǧan adam densaulyǧyna qasaqana auyr ziian keltırgenı üşın 3 jylǧa bas bostandyǧyn şekteu jönınde ükım şyǧarylǧan. Prezident Bas prokuratura men Işkı ıster ministrlıgıne bolǧan qaiǧyly oqiǧanyŋ män-jaiyn mūqiiat tekserudı tapsyrdy. Memleket basşysy biyl şyǧarylǧan sot ükımınıŋ zaŋdylyǧyn qarastyru jäne adamǧa qatysty asa qauıptı qylmys jasaǧany üşın qylmystyq jauapkerşılıktı küşeitu maŋyzdy dep sanaidy. Balanyŋ tuystary men jaqyndaryna qaiǧyryp köŋıl aitamyz», - delıngen habarlamada.Aita keteiık, būǧan deiın Türkıstan oblysy, Saryaǧaş audany, Jıbek joly (Cherniaevka) auylynda 2018 jyly tuǧan, bes jasar büldırşın qyzdy aiuandyqpen zorlap, öltırgen oqiǧa tırkelgenın jazǧan edık.
Ūqsas jaŋalyqtar
