««Qazaqmys» kompaniiasy» JŞS basqarma töraǧasy Eduard Ogai Memleket basşysyna käsıporynnyŋ jäne jalpy öŋırdıŋ damu perspektivalary turaly esep berdı. Onyŋ aituynşa, kompaniia Jezqazǧan jäne Sätbaev qalalarynyŋ infraqūrylymyn damytuǧa laiyqty üles qosuǧa daiyn. Biznestıŋ äleumettık jauapkerşılıgı aiasynda Qazaqmys biyl 25,4 mlrd teŋge böledı», - dep habarlady beisenbıde Aqordanyŋ baspasöz qyzmetı.
Atalǧan soma 2021 jylmen salystyrǧanda ekı esege köp ekenı atap ötıldı.
«Men osyndai mäselege toqtalǧym keledı. Ärine, äleumettık mäseleler şeşımdı talap etedı. «Qazaqmys» korporasiiasyna barynşa belsendı boluǧa ötınışım bar. Erekşe jaǧdaida 25,4 mlrd teŋge jetpei qaluy mümkın. Mümkındıgınşe qūrylysty qarjylandyrudy köbeitıŋız. Äleumettık nysandardy saluǧa kömektesu qajet. Bızge sporttyq nysandar qajet. Tūrǧyndar infraqūrylymnyŋ tiıstı deŋgeide jaqsartylatynyna senım bıldırdı. Ärine, mädeniet nysandary da erekşe nazar audarudy qajet etedı», - dedı Toqaev.
Sonymen qatar, kompaniia densaulyq saqtau, bılım beru, sport siiaqty salalarǧa basa nazar audaratyny atap ötıldı. Mäselen, 2023 jyly Jezqazǧan qalasynda balalar sport akademiiasyn salu, onyŋ ışınde 200 oryndyq mektep-internat salu josparlanuda.
«Toqaev sport nysandaryn salu kezınde köp funksiialy sport keşenderge artyqşylyq beru kerektıgıne nazar audardy. Sondai-aq kompaniia jaŋa standarttarǧa sai tūrǧyn üi saludy josparlap otyr», - dep tolyqtyrdy Aqorda.
”Adyrna” ūlttyq portaly
Timur Dänebaevty azaptap, videoǧa tüsırgen koloniianyŋ būrynǧy 11 qyzmetkerı Toqaevtan kömek sūraidy
