Qazaqstan prezıdenti Qasym-Jomart Toqaev “Qazaqmys” usynǵan 25 mıllıard teńgeni Sátbaev pen Jezqazǵanǵa jetkiliksiz dep sanaıdy, dep habarlaıdy, “Adyrna” ulttyq portaly.
««Qazaqmys» kompanııasy» JShS basqarma tóraǵasy Edýard Ogaı Memleket basshysyna kásiporynnyń jáne jalpy óńirdiń damý perspektıvalary týraly esep berdi. Onyń aıtýynsha, kompanııa Jezqazǵan jáne Sátbaev qalalarynyń ınfraqurylymyn damytýǵa laıyqty úles qosýǵa daıyn. Bıznestiń áleýmettik jaýapkershiligi aıasynda Qazaqmys bıyl 25,4 mlrd teńge bóledi», - dep habarlady beısenbide Aqordanyń baspasóz qyzmeti.
Atalǵan soma 2021 jylmen salystyrǵanda eki esege kóp ekeni atap ótildi.
«Men osyndaı máselege toqtalǵym keledi. Árıne, áleýmettik máseleler sheshimdi talap etedi. «Qazaqmys» korporaııasyna barynsha belsendi bolýǵa ótinishim bar. Erekshe jaǵdaıda 25,4 mlrd teńge jetpeı qalýy múmkin. Múmkindiginshe qurylysty qarjylandyrýdy kóbeıtińiz. Áleýmettik nysandardy salýǵa kómektesý qajet. Bizge sporttyq nysandar qajet. Turǵyndar ınfraqurylymnyń tıisti deńgeıde jaqsartylatynyna senim bildirdi. Árıne, mádenıet nysandary da erekshe nazar aýdarýdy qajet etedi», - dedi Toqaev.
Sonymen qatar, kompanııa densaýlyq saqtaý, bilim berý, sport sııaqty salalarǵa basa nazar aýdaratyny atap ótildi. Máselen, 2023 jyly Jezqazǵan qalasynda balalar sport akademııasyn salý, onyń ishinde 200 oryndyq mektep-ınternat salý josparlanýda.
«Toqaev sport nysandaryn salý kezinde kóp fýnkııaly sport keshenderge artyqshylyq berý kerektigine nazar aýdardy. Sondaı-aq kompanııa jańa standarttarǵa saı turǵyn úı salýdy josparlap otyr», - dep tolyqtyrdy Aqorda.
”Adyrna” ulttyq portaly
