Sifrlyq damu, innovasiialar jäne aeroǧaryş önerkäsıbı ministrı Baǧdat Musin Astanadaǧy internettıŋ sapasy jaily aitty, dep habarlaidy «Adyrna» tılşısı.
Ol elordany damytu mäselelerı jönınde keŋeste ministrlıktıŋ bailanys tolyǧymen joq 67 lokasiiany anyqtaǧanyn mälımdedı.
«Bız esep jürgızıp, nätijesınde internet jyldamdyǧy naşar 67 oryndy anyqtadyq. Ol jerlerdıŋ tūrǧyndarymen söilesken kezımızde olardyŋ radiofob ekenderı anyqtaldy. Köpşılık üiınıŋ töbesıne stansa ornatudan qorqady. Äkımdık 60 tūrǧyn üi boiynşa tüsındıru jūmysyn jürgızuge kömek körsettı. Qazırgı taŋda osynyŋ ışınde 33 üi şatyryna bazalyq stansa ornatuǧa kelıstı. Olardyŋ beseuıne ornatyldy, al altauyna qazır qoiylyp jatyr. Qalǧany boiynşa kelısımşart daiyndalu üstınde. 28 üimen 3 ai boiy jūmys ıstep kelemız, olar kelısım bermei otyr. Tūrǧyndarǧa bazalyq stansiianyŋ adam densaulyǧyna qauıpsız ekenın tüsındırudemız»,—dedı ministr.Musin būl mäsele zaŋ aiasynda retteluı qajet ekenın atap öttı.
«Tūrǧyn üi qatynastary zaŋyna özgerıs engızılgennen keiın tūrǧyndardyŋ 50 paiyzy stansa ornatuǧa qarsy bolsa, ony alyp tastaimyz. Al ekınşı mäsele – tarifterdıŋ tömendıgı. Bızdıŋ qoldanuşylar ünemı internette otyrady. Būl ülken jükteme. Mysaly, şetelde qandai da bır materialdy aşpas būryn «Būl men üşın paidaly ma, joq pa?» dep oilanady. Öitkenı, ony qarasa, köp megabaity ketedı»,—dep tolyqtyrdy basqarma basşysy.Aita keteiık, būǧan deiın ministr internet sapasynyŋ naşarlauyna radiofobiia da sebep bolyp otqanyn aitqan edı.
Ūqsas jaŋalyqtar
