Qazaqstan Täjıkstannyŋ 10 auylyn internetpen qamtamasyz etedı. Būl turaly Sifrlyq damu, innovasiialar jäne aeroǧaryş önerkäsıbı ministrlıgı aitty, dep habarlaidy «Adyrna» tılşısı.
«Respublikalyq ǧaryştyq bailanys ortalyǧy» AQ men «Net Soliuşens» JŞQ (Täjıkstan Respublikasy) arasyndaǧy yntymaqtastyqty keŋeitu jäne nyǧaitu şeŋberınde «KazSat-3» ǧaryş apparaty arqyly Täjıkstan Respublikasynyŋ 10 auyldyq eldı mekenınde pilottyq jobany jürgızu turaly uaǧdalastyqqa qol jetkızıldı. Tehnikalyq mäseleler pysyqtaldy. Pilottyq jobany ıske asyru nätijelerı boiynşa elımızdıŋ 50-ge juyq şalǧai auyldarynda internet jelısıne qoljetımdılıktı qamtamasyz etu josparlanuda»,—delıngen habarlamada.Bırınşı vise-ministr Qanyş Tuleuşin elımızdıŋ alǧaş ret otandyq GovTech şeşımderın eksporttap jatqanyn atap öttı.
«Osy qūjattarǧa qol qoiu – Qazaqstandaǧy IT salasynyŋ damuynyŋ jaŋa kezeŋı. Bız alǧaş ret otandyq GovTech şeşımderın eksporttap jatyrmyz. «Ūlttyq aqparattyq tehnologiialar» AQ zamanaui elektrondyq ükımet infraqūrylymyn qūrudaǧy täjıribemızdı Täjıkstandaǧy ärıptesterımızge beru mındetın aldy»,—dedı ol.
Ūqsas jaŋalyqtar
