Ózbekstan prezıdenti Shavkat Mırzıeev 11 shilde kúni ótken ınvestıııa tartý jónindegi keńeste 12 hokım men 5 sheneýnikti qyzmetinen aldy. Bul týraly memleket basshysynyń baspasóz hatshysy Sherzod Asadov aıtty, dep habarlaıdy «Adyrna» tilshisi.
«Naýaı men Iangııýl qalasynyń hokımderi, Ámýdarııa, Qorǵantepe, Buhara, Mırıshkor, Shyraqshy, Hatyrshy, Paıaryq, Aqaltyn, Gúlistan jáne Aqqorǵan aýdandarynyń hokımderi óz laýazymyn bosatty. Bas prokýratýra men Esep palatasyna osy ákimderdiń qyzmetin zerdelep, zańnyń ústemdigin qamtamasyz etý tapsyryldy»,—dedi ol.
Bul sheshimge laýazymdy tulǵalardyń sheteldik ınvestıııany durys tarta almaýy sebep bolǵan.
Asadovtyń aıtýynsha, jıyn barysynda ınvestıııa tartýdaǵy kemshilikterge baılanysty avtojol komıtetiniń tóraǵasy Abdýrahmon Abdýálıev, «Ýzbekıston temır ıýlları» kompanııasynyń basshysy Hýsnıtdın Hosılov, «Ýzsývtamınot»kompanııasynyń basshysy Sahıb Saıfnazarov, Sý sharýashylyǵy men kólik mınıstriniń orynbasarlary Bahtııar Kamalov pen Abdýsamat Mýmınov te qyzmetterinen alynǵan.
Prezıdenttiń baspasóz qyzmeti taratqan vıdeolardyń birinde, Mırzıeev olardyń qyzmetten alynýyna "qııanat qylǵany" sebep bolǵany jaıly aıtqan.
"Men jumysta qatelik jasaǵan adamdy keshiremin, biraq qııanat qylǵan adamdy eshqashan keshirmeımin",- degen Mırzıeev. Sońynan ol "qııanat qylǵanǵa oryn joq" dep nyǵyzdaı túsken.
Eske sala keteıik, buǵan deıin Ózbekstan prezıdenti Shavkat Mırzıeevtiń buǵan deıingi prezıdenttik ókilettigi nóldestirilip, jańa qyzmet merzimi uzartylǵanyn jazǵan edik. Ol jeksenbi kúni ótken prezıdent saılaýynda saılaýshylardyń 80,1% daýysyn jınap, jeńiske jetti. Endi ol 7 jyldyq eki merzimmen eldi 2037 jylǵa deıin basqara alady.
