Tórt belgisiz
Keshe Álıhan úkimet otyrysyna galstýgyn sheship, jaǵasyn netip, ózimiz sııaqty kele salypty. Demalys kún bolǵan soń sóıtti me, álde úıinde umytyp ketti me, onysy belgisiz.
Álıhannyń jınalysyna bul joly galstýk qatyspaıtynyn baspasóz hatshysy bárine eskertse kerek. Mınıstrler de jappaı jaǵasyn jiberip, ózimiz sııaqty bop qapty. Úılerinen taqpaı keldi me, álde Álıhandy kórgen soń tósqaltalaryna ýmajdap tyǵa saldy ma, ol jaǵy belgisiz.
Álıhan mınıstrlerdi elbasynyń týǵan kúnimen quttyqtap, munymdy eshkimge aıtpaı-aq qoıyńdar dedi me, demedi me, ol da belgisiz.
Jıynda 2024-25 jyldary 369 mektep salyp, Qazaqstanda mektep máselesin birjola sheshemiz depti.
Ol kezde Álıhannyń ózi bola ma, joq pa, ol da belgisiz.
