الماتى جانە الماتى وبلىسى پوليتسيا دەپارتامەنتتەرىنىڭ بۇرىنعى باستىعى سەرىك كۇدەباەۆتىڭ ەلدەن "قاڭتار قىرعىنى" كەزىندە قاشىپ كەتۋىنە بولىسقان بەس قىرعىزستاندىققا ايىپپۇل سالىندى، دەپ حابارلايدى "ادىرنا" ۇلتتىق پورتالى 24.kg-كە سىلتەمە كورسەتە وتىرىپ.
"قازاقستاندىق گەنەرال سەرىك كۇدەباەۆتىڭ قاشىپ كەتۋ فاكتىسى بويىنشا قىلمىستىق ءىستىڭ بەس قاتىسۋشىسى جاۋاپقا تارتىلدى", - دەلىنگەن حابارلامادا.
بۇعان دەيىن بارلىق ايىپتالۋشىلار كىناسىن مويىنداۋ تۋرالى كەلىسىمگە قول قويعانى ناقتىلانعان ەدى.
ء"ىستىڭ ءتورت قاتىسۋشىسى – بەيبىت تۇرعىندار، بەسىنشىسى – ۇقكد شەكارا قىزمەتىنىڭ بۇرىنعى قىزمەتكەرى ەكەنى بەلگىلى. ءىستى رەسپۋبليكانىڭ اسكەري پروكۋراتۋراسى جۇرگىزدى. تەرگەۋ اياقتالعاننان كەيىن ماتەريالدار سوتقا بەرىلدى. الدىن الا مالىمەتتەر بويىنشا، بارلىق قاتىسۋشىلارعا 350 مىڭ سوم ايىپپۇل سالىندى", – دەپ حابارلادى رەداكتسيا.
ورايى كەلگەندە ايتا كەتەيىك، سەرىك كۇدەباەۆ 2022 جىلعى قاڭتار وقيعاسى كەزىندە بيلىگىن اسىرا پايدالاندى دەپ ايىپتالعان. اتاپ ايتساق، سەرىك كۇدەباەۆ قك 370 بابى 4-بولىگى 1-تارماعى (اۋىر زارداپتارعا الىپ كەلگەن قىزمەتتەگi ارەكەتسiزدiك) بويىنشا جازىقتى بولدى. ول 2020 جىلدان 2022 جىلعا دەيىن الماتى وبلىسى پوليتسيا دەپارتامەنتىنىڭ باستىعى بولىپ جۇمىس ىستەدى.
پروكۋراتۋرانىڭ مالىمەتىنشە، سول وقيعالار كەزىندە پوليتسيا باسقارماسىنىڭ بۇرىنعى باسشىسى دەپارتامەنت عيماراتىنان شىعىپ كەتكەن. بولىمگە بەلگىسىز بىرەۋلەر كىرىپ، قارۋدى تارتىپ العان.
سونىمەن قاتار، پرەزيدەنت قاسىم-جومارت توقاەۆقا سەرىك كۇدەباەۆتى پوليتسيانىڭ "گەنەرال-مايورى" ارنايى اتاعىنان، سونداي-اق مەملەكەتتىك ناگرادالارىنان ايىرۋ تۋرالى ۇسىنىس ەنگىزىلدى.
بيىل قاڭتار ايىنىڭ باسىندا وعان قاتىستى سوت وتىرىسى باستالدى. كەيىن جەتىسۋ وبلىستىق سوتىنىڭ رەسمي وكىلى نۇرسۇلتان ورىنباساروۆ ايىپتالۋشىنىڭ اۋرۋحاناعا تۇسىپ قالۋىنا بايلانىستى سوت وتىرىسى كەيىنگە قالعانىن مالىمدەدى.
الايدا كەيىن الماتى وبلىسى پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆ سوت وتىرىسىنا كەلۋدەن باس تارتتى.
ءساۋىردىڭ باسىندا سەرىك كۇدەباەۆ شەتەلگە قاشىپ كەتتى دەگەن اقپارات تارادى.
ۇلتتىق قاۋىپسىزدىك كوميتەتىنىڭ شەكارا قىزمەتى كۇدەباەۆتىڭ قازاقستاننىڭ مەملەكەتتىك شەكاراسىنان رەسمي جۇمىس ىستەپ تۇرعان بەكەتتەر ارقىلى وتپەگەنىن مالىمدەدى.
سوت وتىرىسىنا كەلمەگەندىكتەن، الماتى وبلىسى پوليتسيا دەپارتامەنتىنىڭ بۇرىنعى باسشىسىنا حالىقارالىق ىزدەۋ جاريالاندى.
ءماجىلىس دەپۋتاتى ەرلان سايروۆ اتاعى دارداي گەنەرالدىڭ قاشىپ كەتۋىنە ءىىم، شەكارا قىزمەتى وكىلدەرىنىڭ قاتىسى بار ەكەنىن جەتكىزدى.
27 ءساۋىر باس پروكۋراتۋرا سەرىك كۇدەباەۆتىڭ تۇركيادا ۇستالعانىن راستاعان. قۇزىرلى ورگان كۇدەباەۆتىڭ تۇركيادا تۇراقتى تۇرۋعا رۇقسات الماق بولعانىن مالىمدەدى. ول 10 جىلعا باس بوستاندىعىنان ايىرىلدى.
"ادىرنا" ۇلتتىق پورتالى
