Jambyl oblysynyŋ mamandandyrylǧan audanaralyq soty jienıne ūzaq jyldar boiy jynystyq zorlyq-zombylyq körsetken er adamǧa qatysty ükım şyǧardy, dep habarlaidy "Adyrna" ūlttyq portaly.
Ol 22 jylǧa bas bostandyǧynan aiyryldy.
Tergeude belgılı bolǧandai, anasynyŋ tuǧan aǧasy 8 jasynan bastap jienıne 13 jyl boiy zorlyq körsetıp kelgen. Bala alǧaşqyda bolǧan jaǧdaidy aǧasynyŋ jūbaiyna aitqan. Alaida ol qyzdy aiyptap, küieuın qorǧaǧan. Qyzdyŋ anasy da qyzyna senbei, ony "jala japty" dep kınälaǧan.
PD aqparatynşa, 12 jasynda jäbırlenuşı psihologqa baryp, bar şyndyqty jetkızgen. Degenmen polisiiaǧa aryz tüskenıne qaramastan, ıs qysqartylyp ketken. Keiın qyzdy anasy küştep tūrmysqa bergen. Bıraq ol qaşyp şyǧyp, qaitadan tuystary tarapynan zorlyq körgen.
Tek bırneşe jyldan soŋ ol ūlttyq komissiia janyndaǧy "One-Stop-Service – Bır qadam" jobasy arqyly qūqyq qorǧauşylarǧa jügıngen. Qoǧamdyq ūiymdar ıstı qaita qozǧauǧa küş salyp, aqyry sotqa jetkızgenı habarlandy.
Sot otyrysy jabyq türde öttı.
Sot şeşımımen aiyptaluşy QR QK-nıŋ bırneşe baby boiynşa kınälı dep tanyldy. Ol 22 jylǧa bas bostandyǧynan aiyrylyp, jäbırlenuşıge 10 million teŋge kölemınde moraldyq jäne materialdyq ötemaqy töleuge mındetteldı.
