Qostanai oblysynda «Kıtap oqityn ūlt» jobasyna 55 myŋnan astam tūrǧyn belsendı qatysyp jatyr. Oqyrmandar köşın mektep oquşylary bastap tūr – olardyŋ sany 30 703-ke jettı. Būl jas ūrpaqtyŋ kıtap oquǧa degen qyzyǧuşylyǧynyŋ joǧary ekenın aiqyn körsetedı.
Eŋ belsendı aimaq – Qostanai qalasy: qala mektepterınen 6418 oquşy tırkelgen. Odan keiıngı oryndarda Rudnyi qalasy (4788), Äulieköl audany (3112), Qostanai audany (2501) jäne Jıtıqara audany (2195) tūr. Basqa qalalar men audandardyŋ oquşylary da jobaǧa belsendı türde qosylǧan.
«Kıtap oqityn äulet» baǧyty boiynşa oblysta 10 122 otbasy tırkeldı.
Otbasylyq oqu dästürı – ūrpaqtar sabaqtastyǧynyŋ jarqyn körınısı.
«Kıtap oqityn pedagog» baǧytynda 11 047 mūǧalım qatysuda. Jobaǧa bılım beru ūiymdarynyŋ basşylary da belsendı atsalysyp jatyr: 434 direktor jäne 277 direktor orynbasary kıtap oquǧa niet bıldırdı.
«Kıtap oqityn kolledj» baǧytynda oblystyŋ 33 kolledjınen 2028 student tırkelgen.
«Kıtap oqityn memlekettık qyzmetşı» baǧytynda 300-den astam adam qatysyp jatyr. Audan jäne qala äkımderı apparattarynyŋ, basqarma qyzmetkerlerınıŋ qatysuy joǧary. Erekşe közge tüskenı – Fedorov audany: 12 auyldyq okrug äkımı jäne 18 bölım basşysy tırkelgen. Rudnyi qalasynan – 15, Qarabalyq audanynan – 9 auyl äkımı, Amangeldı audanynan – 5, Qarasu audanynan – 3 auyl äkımı jobaǧa qosyldy. Basqarma basşylarynyŋ orynbasarlary men qala äkımınıŋ orynbasarlary da qatysuda.
«Kıtap oqityn universitet» baǧytynda oblystyŋ 6 joǧary oqu ornynan 1008 student tırkelgen.
Qatysuşylardyŋ pıkırı:
Qostanai qalasy №31 mekteptıŋ bastauyş synyp mūǧalımı Qymbat Sūltanova: «Būl jobaǧa qatysu men üşın käsıbi mındet qana emes, şynaiy qūştarlyq. Oqityn mūǧalım – bılımdı mūǧalım. Jaŋa ädıstemeler men psihologiialyq-pedagogikalyq eŋbekterdı oqi otyryp, sabaq beru sapasyn arttyramyz. Mūǧalımnıŋ qolyndaǧy kıtap – oquşylar üşın eŋ üzdık ülgı ärı küştı motivasiia. Qazır Orynşa Qarabalinanyŋ “Ūstaz baqyty” kıtabyn oqyp jatyrmyn. Būl şyǧarma ūstazdyqtyŋ ruhani jäne praktikalyq qyr-syryn qaita aşqandai äser qaldyrady».
Meŋdıqara audany Jangeldı auylynyŋ tūrǧyny, «Kıtap oqityn äulet» baǧytynyŋ qatysuşysy Erlan Jürsınūly Aisaǧaliev: «Jasym 56-da. Bala kezımızden kıtapqa jastyq bolyp östık. “Abai joly”, “Altyn Orda”, “Köşpendıler”, “Qyzyl jebe”, “Volokolam tas joly” siiaqty tuyndylarǧa jas künımnen qanyqpyn. Bügınde de oqudan qol üzbeimın. Jobaǧa otbasymmen bırge quana tırkeldık. Eŋ ülken jeŋıs – ūrpaq sanasyna sıŋetın ruhani när. Kıtap oqyǧan ūlt ärdaiym ozady».
Qostanai oblysy äkımdıgı Qoǧamdyq damu basqarmasynyŋ bas mamany Arailym İsmaǧūlova («Kıtap oqityn memlekettık qyzmetşı» baǧyty): «Joba turaly estıgen boida qatysuǧa şeşım qabyldadym. Balalyq şaǧym kıtap oqumen öttı. Tızımde Abaidyŋ qara sözderı, qazaq klassikasy, memleket basqaru, älemdık saiasat, psihologiia taqyrybyndaǧy eŋbekter bar. Osy uaqytqa deiın 4 kıtapty aiaqtadym, qazır Nikkolo Makiavellidıŋ “Ämırşı” traktatyn oqyp jatyrmyn. Keibır kıtaptardy arnaiy satyp aldym – olar joba aiaqtalǧannan keiın de qūndylyǧyn joǧaltpaidy».
Jobany «Amanat» partiiasynyŋ qoldauymen «Kıtap oqityn ūlt – Chitaiuşaia nasiia» qoǧamdyq qory jäne Qostanai oblysy äkımdıgı jüzege asyruda. Öŋırlık demeuşı – «Olja Agro» JŞS agroholdingı.
2025 jyldyŋ qyrküiegınde «Kıtap oqityn ūlt» jobasy pilottyq türde Qostanai, Qaraǧandy oblystary men Şymkent qalasynda bastau alǧan bolatyn. Qazırgı taŋda üş öŋırde jobaǧa 189 myŋnan astam adam qatysuda, joba qorytyndysy 2026 jylǧy säuırde şyǧarylady.
