Búgin, 29 qazanda Mońǵolııa Memlekettik saraıynyń aldyndaǵy elordanyń ortalyq alańynda Ulan-Batyrǵa memlekettik saparmen barǵan Qazaqstan Prezıdenti Qasym-Jomart Kemeluly Toqaevty resmı qarsy alý rásimi ótti, dep habarlaıdy “Adyrna” ulttyq portaly.
Mońǵolııa Prezıdenti Ýhnaagıın Hýrelsýh qolbasshy D.Súhbaatar alańynda Qazaqstan Respýblıkasynyń Prezıdenti Qasym-Jomart Toqaevty resmı túrde qarsy aldy.
Montsame aqparattyq portalynyń habarlaýynsha, memlekettik qurmetti qaraýyl qolbasshysynyń raportynan keıin eki eldiń memlekettik ánurandary shyrqaldy. Eki memleket basshylary Memlekettik saltanatty Aq áskerı týǵa taǵzym etti, odan keıin Prezıdent Qasym-Jomart Toqaev qurmetti qaraýyl sapyn qarsy aldy.
Sondaı-aq Ýhnaagıın Hýrelsýh pen Qasym-Jomart Toqaevty qarsy alý rásimine kelgen Mońǵolııa men Qazaqstan Respýblıkasynyń resmı ókilderi, Mońǵolııadaǵy dıplomatııalyq mıssııalardyń basshylary jáne halyqaralyq uıymdardyń turaqty ókilderi qarsy aldy.
Resmı qarsy alý rásiminen keıin eki eldiń prezıdentteri Uly Shyńǵys han eskertkishine taǵzym etip, Mońǵolııa Memlekettik saraıyna bet aldy, onda Qasym-Jomart Toqaev Qurmetti qonaqtar kitabyna jazba qaldyrdy.
Memlekettik sapar aıasynda Mońǵolııa prezıdenti Ýhnaagıın Hýrelsýh pen Qazaqstan prezıdenti Qasym-Jomart Toqaev shaǵyn quramda kelissóz júrgizdi.
Qasym-Jomart Toqaev qonaqjaılyq kórsetkeni úshin Ýhnaagıın Hýrelsýhke rızashylyq bildirip, óziniń Memleket basshysy retindegi Mońǵolııaǵa alǵashqy saparyna erekshe mán beretinin atap ótti.
Memleket basshysynyń aıtýynsha, Mońǵolııa – Qazaqstannyń mańyzdy seriktesteriniń biri. Qos halyqtyń dástúri men mádenı-tarıhı tamyry ortaq.
«Qurmetti Prezıdent, búgin Sizdiń shaqyrýyńyz boıynsha Mońǵolııaǵa memlekettik saparmen kelip otyrmyn. Maǵan jáne Qazaqstan delegaııasyna, bul — úlken qurmet. Búgin biz ekijaqty mańyzdy qujattarǵa, sonyń ishinde Qazaqstan men Mońǵolııa arasynda strategııalyq seriktestik ornatý týraly deklaraııaǵa qol qoıamyz. Bul qadam elderimizdiń barlyq deńgeıdegi yqpaldastyǵyn jandandyrýǵa arqaý bolmaq. Sondaı-aq qos halyqtyń ıgiligi úshin jańa múmkindikterge jol ashady dep senemin», — dedi Qasym-Jomart Toqaev.
Óz kezinde Ýhnaagıın Hýrelsýh Qazaqstan Prezıdentiniń Mońǵolııaǵa memlekettik sapary ekijaqty yntymaqtastyqty múldem jańa deńgeıge kóteretinine senim bildirdi.
«Shyn máninde, eki el arasynda dıplomatııalyq qarym-qatynas ornaǵanyna 30 jyldan asty. Qazaqstan Prezıdentiniń Mońǵolııaǵa memlekettik sapary sońǵy ret osydan 16 jyl buryn bolǵan edi. Elimiz Sizdiń búgingi saparyńyzdy ekijaqty yntymaqtastyqtyń taıaý jyldardaǵy perspektıvti baǵyttaryn aıqyndaıtyn mezet retinde qarastyrady. Bul sapar eki eldiń qarym-qatynasyn strategııalyq seriktestik deńgeıge shyǵarý turǵysynan óte mańyzdy», – dedi Mońǵolııa Prezıdenti.
Mazmundy áńgimelesý barysynda memleketter basshylary saıası, saýda-ekonomıkalyq jáne ınvestıııalyq baılanystardy damytý perspektıvasyna aıryqsha mán berdi. Sondaı-aq aýyl sharýashylyǵy, taý-ken jáne metallýrgııa kesheni, energetıka, kólik-logıstıka, qarjy salalaryndaǵy qarym-qatynas máseleleri talqylandy.
Kezdesý sońynda Mońǵolııa Prezıdenti Memleket basshysyna 60 myńnan astam sóz engen Qazaq-mońǵol sózdigin syıǵa tartty.
Aıta keteıik, bul — Qazaqstannyń ekinshi prezıdentiniń Mońǵolııaǵa tuńǵysh sapary.
Eske salsaq, Qasym-Jomart Toqaevty memlekettik saparmen kelýge Mońǵolııa prezıdenti arnaıy shaqyrǵan edi.
