Şymkenttık jurnalist Marina Nizovkina prezident Qasym-Jomart Toqaevqa polisiianyŋ qysymy turaly mälımdeme jasap, özın qauıpsız sezınbeitının aitty, dep habarlaidy «Adyrna» tılşısı.
«Men belsendı azamattyq ūstanymy bar jurnalispın, jol qauıpsızdıgı men Şymkenttegı keptelıs turaly, jürgızuşılerdıŋ de, polisiia qyzmetkerlerınıŋ de qūqyq būzuşylyqtary turaly köp jazamyn. Soŋǧy kezderı jurnalist retınde özımdı qauıpsız sezınbei jürmın. Bız, qala tūrǧyndary, Şymkent joldarynda köptegen retsızdıktı, balalar ölımıne äkeletın jol-kölık oqiǧasyn jiı baiqaimyz. Būl turaly ünsız qaluǧa bolmaidy. Bıraq qudalaudyŋ qūrbany bolmas üşın jan-jaǧymyzǧa qarap, saqtyqpen jazuǧa mäjbürmız»,—dedı ol.BAQ ökılı qazan aiynyŋ ortasynda patruldık polisiia polkı basşylyǧynyŋ Şymkent qalalyq ışkı ıster basqarmasyna qarsy şaǧymdary boiynşa sot prosesterıne qatysqan.
«Is turaly qorytyndy material jazǧym keldı, bıraq sol uaqytta Şymkent QIIB bastyǧynyŋ bırınşı orynbasary Ermahan Äbdramanovtyŋ atynan Departament basşylyǧynyŋ qorqynyşty qysymyna ūşyradym. Ol polisiiaǧa aryz jazyp, menı jala japty dep aiyptady. Maǧan qatysty äkımşılık hattama jasalyp, ol maǧan öte keş jetkızıldı. Sotqa deiıngı barlyq ıs öte tez jürgızıldı. Köptegen proseduralyq zaŋ būzuşylyqtar boldy»,—dedı Marina Nizovkina .Jurnalist sottyŋ hattamany zaŋsyz dep tanyǧanyn atap öttı.
«Menıŋ jazbalarymnan eşqandai jala tabylmady. Bıraq, soǧan qaramastan,özımdı qauıpsız sezınbeimın. Otbasymnyŋ qauıpsızdıgı üşın de qorqamyn. Nelıkten uchaskelık polisiia qyzmetkerı kämeletke tolmaǧan balamnyŋ qūjattaryn menen talap etuı kerek? Endı menıŋ qyzmetım de qandai da bır qysym men qauıpke ūşyraidy dep oilaimyn. Jūmystan keş qaituǧa, kölıktı aidauǧa qorqamyn. Qūrmettı prezident, Şymkent poliseilerınıŋ qala tūrǧyndaryna qarsy äreket etpeuıne, kerısınşe, barlyǧymyz bırlese otyryp, qalamyzdyŋ qauıpsız boluyna yqpal etuıŋızdı sūraimyn»,—dep tolyqtyrdy ol.
Ūqsas jaŋalyqtar
