Memleket basshysy Qasym-Jomart Toqaev Tótenshe jaǵdaılar mınıstri Syrym Sháriphanovty qabyldady, dep habarlaıdy «Adyrna» tilshisi.
Syrym Sháriphanov mınıstrliktiń atqaryp jatqan jumystary men jospary jóninde baıandady. Sondaı-aq mınıstrlikte aldaǵy ýaqytta júzege asyrylatyn transformaııa jáne qoǵamda qaýipsizdik mádenıetin qalyptastyrý jumystary týraly málimdedi. Aıtýynsha, tótenshe jaǵdaılardyń sany men aýqymy ulǵaıǵan jaǵdaıda azamattyq qorǵaýdyń memlekettik júıesin tótenshe jaǵdaıdyń saldaryn joıýdan buryn onyń aldyn alýǵa baǵdarlaý kózdelip otyr.
Budan bólek basqarma basshysy qutqarý bólimsheleriniń materıaldyq-tehnıkalyq bazasyn jaraqtandyrý jáne ıfrlandyrý isin nyǵaıtý, sondaı-aq qutqarýshylar men órt sóndirýshilerdiń kadrlyq áleýetin arttyrý, olardy áleýmettik qorǵaý sharalaryn kúsheıtý jóninde aqparat berdi. Sonymen qatar halyqty aldyn ala qorǵaýǵa qajetti jaǵdaı jasaý maqsatynda qoldanystaǵy normatıvtik-quqyqtyq aktilerge ózgerister men tolyqtyrýlar engizýge aıryqsha mán berilip otyrǵanyn aıtty.
Qasym-Jomart Toqaev mınıstrlikke tótenshe jaǵdaılardyń sanyn azaıtý, sondaı-aq azamattardyń qaýipsizdigin qamtamasyz etýge baǵyttalǵan sharalar keshenin júzege asyrý jóninde tapsyrma berdi.
