28 maýsym elimizde jýrnalıster kúni merekesi toılanady. Prezıdent memlekettik buqaralyq aqparat quraldarynda qajyrly qyzmet atqaryp kele jatqan birneshe azamatty baspanamen qamtamasyz etýdi tapsyrdy, dep jazady "Adyrna". Bul týraly memleket basshysynyń baspasóz hatshysy Rýslan Jeldibaı málimdedi.
Rýslan Jeldibaı Qasym-Jomart Toqaev otandyq BAQ-tyń básekege qabilettiligin arttyrýǵa erekshe kóńil bóletinin, sondyqtan memlekettik BAQ qyzmetkerlerin qoldaý týraly sheshim qabyldanǵanyn atap ótti.
Sonymen qatar Aqparat jáne qoǵamdyq damý mınıstrliginde Buqaralyq aqparat qyzmetkerleri kúni qarsańynda memlekettik qurylym qyzmetkerlerin marapattaý rásimi ótti.
Quttyqtaý sózinde Aqparat jáne qoǵamdyq damý mınıstri Darhan Qydyráli medıa qyzmetkerleriniń salany damytýdaǵy qajyrly eńbegi men qomaqty úlesin atap ótip, is-sharanyń barlyq qatysýshylaryna alǵysyn bildirdi.
