28 mausym elımızde jurnalister künı merekesı toilanady. Prezident memlekettık būqaralyq aqparat qūraldarynda qajyrly qyzmet atqaryp kele jatqan bırneşe azamatty baspanamen qamtamasyz etudı tapsyrdy, dep jazady "Adyrna". Būl turaly memleket basşysynyŋ baspasöz hatşysy Ruslan Jeldıbai mälımdedı.
Ruslan Jeldıbai Qasym-Jomart Toqaev otandyq BAQ-tyŋ bäsekege qabılettılıgın arttyruǧa erekşe köŋıl böletının, sondyqtan memlekettık BAQ qyzmetkerlerın qoldau turaly şeşım qabyldanǧanyn atap öttı.
"Memleket basşysynyŋ atynan Būqaralyq aqparat qūraldary qyzmetkerlerınıŋ künı qarsaŋynda 65 päterdıŋ kıltın tabystadym. Marapattalǧandardyŋ qatarynda jurnalister, rejisserler, montajerlar, operatorlar jäne basqa da mamandyq ielerı bar. Päterler «Dara» Prezident bastamalarynyŋ qory atynan berıldı" dep jazdy Ruslan Jeldıbai äleumettık jelıdegı paraqşasynda.
Sonymen qatar Aqparat jäne qoǧamdyq damu ministrlıgınde Būqaralyq aqparat qyzmetkerlerı künı qarsaŋynda memlekettık qūrylym qyzmetkerlerın marapattau räsımı öttı.
Qūttyqtau sözınde Aqparat jäne qoǧamdyq damu ministrı Darhan Qydyrälı media qyzmetkerlerınıŋ salany damytudaǧy qajyrly eŋbegı men qomaqty ülesın atap ötıp, ıs-şaranyŋ barlyq qatysuşylaryna alǧysyn bıldırdı.
Ūqsas jaŋalyqtar
