Kökşetauda bokstan erler arasyndaǧy tūŋǧyş älem chempiony Temırtas Jüsıpovtı marapattau räsımı öttı, dep habarlaidy "Adyrna" ūlttyq portaly.
Aqmola oblysynyŋ äkımı Ermek Marjyqpaev boksşyny öz jeŋısımen qūttyqtady, dep habarlady ışkı saiasat basqarmasy. Qūttyqtau sözın söilegen aimaq basşysy öŋırde sporttyq dästürdıŋ berık ekenın, sporttyq qozǧalysty damytu baǧytynda köptegen jūmystar atqarylyp jatqanyn atap öttı.
Bız – aqmolalyqtar – Temırtastyŋ jeŋısımen maqtanamyz! Ol sözsız bız üşın maqtanyş. Būl Aqmola oblysynyŋ erler arasyndaǧy älem chempionatyndaǧy tūŋǧyş altyn medalı! Temırtas täjıribelı sportşy. Osy joǧary marapatqa jetu jolynda ol ekı ret äskeri qyzmetkerler arasyndaǧy älem chempionatynda jeŋıske jettı: 2019 jyly Qytaidyŋ Uhan qalasynda jäne jaqynda qyrküiekte Mäskeude ötken. Osy jeŋısterdıŋ laiyqty nätijesı älem chempionatynyŋ altyn medalı iegerı boldy, – dedı Ermek Boranbaiūly.Jüsıpov medalı Täuelsızdıktıŋ 30 jyldyǧyna tek aqmolalyqtar üşın ǧana emes, bükıl elımız üşın erekşe tartu boldy. Būl jeŋıs jattyqtyruşylar men janküierlerdıŋ maqtanyşy boldy, sonymen qatar Qazaqstannyŋ joǧary sporttyq märtebesın rastady. Ol köptegen sportşylardy jaŋa jetıstıkterge yntalandyrady jäne şabyttandyrady, äsırese Olimpke degen sapardaǧy sara jolyn endı bastaǧandardy. Ermek Marjyqpaev chempionǧa päter kıltı men aqşalai sertifikatty tabys ettı. Ol Temırtastyŋ jeke bapkerı Quanyşpai Kökışevtıŋ erekşe eŋbegı men joǧary käsıbilıgın atap öttı. Oǧan aqşalai sertifikat ta tabys etıldı. Temırtas Jüsıpov jinalǧan jūrtşylyqpen amandasyp, jerlesterınıŋ oǧan qalai qaraitynyn tüsınetının, sondyqtan jeŋıske jetu üşın baryn salǧanyn atap öttı.
Öz atymnan jäne Aqmola oblysynyŋ sportşylary atynan oblys basşylyǧyna sportşylardyŋ jattyǧyp, jalpy sportty damytuǧa jaǧdai jasap jatqany üşın alǧys aitamyn. Jarystarda söz söilei otyryp, jerlesterımızdıŋ ülken qoldauyn sezınıp otyrmyz, - dep alǧysyn bıldırdı sportşy.Eske salaiyq, Belgradta (Serbiia) ötken XXI älem chempionatynda aqmolalyq 48 kelı salmaqta top jarǧan bolatyn. Şeşuşı kezdesude oǧan Tailand ökılı Vuttichai Iýrachai qarsy şyqty.
"Adyrna" ūlttyq portaly
Ūqsas jaŋalyqtar
