28 ماۋسىم ەلىمىزدە جۋرناليستەر كۇنى مەرەكەسى تويلانادى. پرەزيدەنت مەملەكەتتىك بۇقارالىق اقپارات قۇرالدارىندا قاجىرلى قىزمەت اتقارىپ كەلە جاتقان بىرنەشە ازاماتتى باسپانامەن قامتاماسىز ەتۋدى تاپسىردى، دەپ جازادى "ادىرنا". بۇل تۋرالى مەملەكەت باسشىسىنىڭ ءباسپاسوز حاتشىسى رۋسلان جەلدىباي مالىمدەدى.
رۋسلان جەلدىباي قاسىم-جومارت توقاەۆ وتاندىق باق-تىڭ باسەكەگە قابىلەتتىلىگىن ارتتىرۋعا ەرەكشە كوڭىل بولەتىنىن، سوندىقتان مەملەكەتتىك باق قىزمەتكەرلەرىن قولداۋ تۋرالى شەشىم قابىلدانعانىن اتاپ ءوتتى.
"مەملەكەت باسشىسىنىڭ اتىنان بۇقارالىق اقپارات قۇرالدارى قىزمەتكەرلەرىنىڭ كۇنى قارساڭىندا 65 پاتەردىڭ كىلتىن تابىستادىم. ماراپاتتالعانداردىڭ قاتارىندا جۋرناليستەر، رەجيسسەرلەر، مونتاجەرلار، وپەراتورلار جانە باسقا دا ماماندىق يەلەرى بار. پاتەرلەر «دارا» پرەزيدەنت باستامالارىنىڭ قورى اتىنان بەرىلدى" دەپ جازدى رۋسلان جەلدىباي الەۋمەتتىك جەلىدەگى پاراقشاسىندا.
سونىمەن قاتار اقپارات جانە قوعامدىق دامۋ مينيسترلىگىندە بۇقارالىق اقپارات قىزمەتكەرلەرى كۇنى قارساڭىندا مەملەكەتتىك قۇرىلىم قىزمەتكەرلەرىن ماراپاتتاۋ ءراسىمى ءوتتى.
قۇتتىقتاۋ سوزىندە اقپارات جانە قوعامدىق دامۋ ءمينيسترى دارحان قىدىرالى مەديا قىزمەتكەرلەرىنىڭ سالانى دامىتۋداعى قاجىرلى ەڭبەگى مەن قوماقتى ۇلەسىن اتاپ ءوتىپ، ءىس-شارانىڭ بارلىق قاتىسۋشىلارىنا العىسىن ءبىلدىردى.
ۇقساس جاڭالىقتار
