Kún men túnniń teńelip, jan-dúnıeni tiriltken, sharýanyń bir maly ekeý bolyp, arqa-basy keńip, aqqa aýzy tıgen, qytymyr qystyń yzǵarynan qutylyp, aldaǵy shýaqty kúnderden úmittendirgen Naýryz merekesi Táýelsiz elimizdiń zor yqylaspen toılanatyn naǵyz halyqtyq sıpattaǵy saltanatyna aınaldy.
Aıtýly merekege oraı, 2023 jyly 17 naýryz kúni saǵat 19.00-de Qurmanǵazy orkestriniń konert zalynda Ulystyń uly kúni Naýryz meıramyna arnalǵan «Naýryz dýman» atty merekelik konerti ótti.
Keshte Mádenıet salasynyń úzdigi Bıbigúl Qılymhan, Halyqaralyq jáne Respýblıkalyq konkýrstardyń laýreattary Tólegen Rahymbaev, Birjan Báziljan, Ásel Raqymjan, Tólebı Nurǵalı jeke óner kórsetti.
Naýryz – barsha qazaqstandyqtardyń ortaq toı-dýmany. Naýryz – dostyq pen erkindiktiń merekesi. Naýryz – salaýatty ómirdiń saltanaty. Naýryz – qańqyldap qazdar keletin, qyrlarda qyzǵaldaq búrshik atyp, Tabıǵat-Ana gúl kórpege oranatyn kóktem aıy. Mereke qutty bolsyn!
