Qaŋtardaǧy qyrǧyn kezınde "qarudy zaŋsyz iemdendı", "qarudy zaŋsyz ūstady", "bilık ökılıne küş körsettı" dep aiyptalyp, 16 jylǧa sottalǧan Taraz tūrǧyny Erbol Jūmanov tergeu izoliatorynda öz denesıne jaraqat saldy. Būl aqparatty bırınşı bolyp äleumettık jelıde qūqyq qorǧauşy Rinat Rafkat jariialaǧan dep habarlaidy "Adyrna" ūlttyq portaly "Azattyq radiosyna" sılteme körsete otyryp.
Erbol Jūmanovtyŋ öz denesın jaraqattaǧanyn advokaty Jalǧas Saparhanova rastady. Aqparatqa qaraǧanda, Jūmanov sot ükımıne qarsy bolǧan.
Advokattyŋ aituynşa, oqiǧa 6 kün būryn bolǧan. Sol üşın ol jeke kameraǧa qamalǧan. Äzırge onyŋ densaulyǧy turaly mälımet joq.
Tarazdaǧy tergeu izoliatory bastyǧynyŋ orynbasary Timur Sandybaev Jūmanovtyŋ mūndai äreketke barǧanyn rastady. Onyŋ aituynşa, "jaraqat salǧany üşın" taǧaiyndalǧan qamau merzımı aiaqtalǧan. "Densaulyǧyna eş qauıp joq" dedı ol.
Jūmanovtyŋ ısı boiynşa apelliasiialyq otyrys 29 mausymǧa belgılengen. 28 säuırde Taraz soty Qaŋtar oqiǧasyna bailanysty aiyptalǧan tört adamǧa türme jazasyn bergen. Tört adamnyŋ ışınde eŋ ūzaq jaza osy Erbol Jūmanovqa berılgen edı.
Jūmanov Qaŋtar kezınde qaru alǧanyn moiyndaǧanmen "adam öltırmedım" degen.
"Qarudy men saǧat 16.00-de alǧanmyn, al qaza tapqan adamǧa oq 15.18-de tigen. Menı jazyqsyz türmege jauyp jatyr" degen edı ol sotta.
Resmi mälımet boiynşa, Qaŋtar oqiǧasy kezınde Tarazda 15 adam mert bolǧan. Al bükıl Qazaqstan boiynşa kemı 238 adam qaza tapqan.
"Adyrna" ūlttyq portaly
Ūqsas jaŋalyqtar
