ۇلتتىق مۋزەيدىڭ بۇرىنعى ديرەكتورى، بۇرىنعى مادەنيەت جانە سپورت ءمينيسترى ارىستانبەك مۇحامەديۇلىنىڭ ۇستىنەن قوزعالعان قىلمىستىق ءىس بويىنشا سوت ۇكىمى شىقتى. بۇرىنعى مينيستر سەگىز جىلعا سوتتالدى، دەپ حابارلايدى "ادىرنا" ۇلتتىق پورتالى.
استانا قالاسىنىڭ № 2 بايقوڭىر اۋداندىق سوتىنىڭ سۋدياسى باعلان ىدىرىسوۆ بۇرىنعى مادەنيەت ءمينيسترى ارىستانبەك مۇحامەديۇلىنا جانە باسقا دا قىلمىسقا قاتىسى بار دەپ تانىلعان تۇلعالارعا قاتىستى ۇكىم شىعاردى."ارىستانبەك مۇحامەديۇلى قر قىلمىستىق كودەكستىڭ 28-بابى 3-بولىگى جانە 189-بولىگى 4-تارماعى 2-تارماعى بويىنشا قۇقىق بۇزۋشىلىق جاساعانى ءۇشىن كىنالى دەپ تانىلسىن. 8 جىلعا باس بوستاندىعىنان ايىرۋ جازاسى تاعايىندالسىن", - دەدى سۋديا باعلان ىدىرىسوۆ.سونداي-اق، سوت مۇحامەديۇلىن مەملەكەتتىك ناگرادالاردان ايىرۋ تۋرالى قاۋلى شىعاردى. سوت شەشىمىمەن ارىستانبەك مۇحامەديۇلى مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا قىزمەت اتقارۋ قۇقىعىنان ءومىر بويى ايىرىلدى. ورايى كەلگەندە ايتا كەتەيىك، پروكۋرور ارىستانبەك مۇحامەديۇلىن 9 جىلعا باس بوستاندىعىنان ايىرۋدى سۇراعان ەدى. ەستەرىڭىزدە بولسا، 2022 جىلدىڭ 28 مامىرىندا سوت شەشىمىمەن ۇلتتىق مۋزەي ديرەكتورى بولعان ارىستانبەك مۇحامەديۇلى قاماۋعا الىندى. تەرگەۋ "التىن ادامنىڭ الەم مۇراجايلارى بويىنشا شەرۋى" حالىقارالىق كورمەسىن وتكىزۋگە، سونداي-اق "قازاقستاننىڭ ۇلتتىق كيەلى نىساندارى مەن مۋزەي قورلارىن جالپىمەملەكەتتىك فوتوگراممەتريالىق 3D-سكانەرلەۋ" جانە "قازاقستان رەسپۋبليكاسىنىڭ ۇلتتىق تسيفرلىق كينوكوللەكتسياسىن تسيفرلاندىرۋ" جوبالارىنا بولىنگەن بيۋدجەت قاراجاتىن ۇرلاۋ فاكتىلەرى بويىنشا جۇرگىزىلدى. بۇرىنعى ءمينيستردىڭ سوت وتىرىسىندا ايتقان "اقىرعى ءسوزى" قالىڭ كوپشىلىككە جەتتى. جىلدار جەتەگىندە باسشىلىق مىنبەرىنەن تۇسپەگەن مۇحامەديۇلى:
– قۇرمەتتى سوت! مەن كەز كەلگەن جازاعا كەلىسەمىن، ءتىپتى اتىپ تاستاسا دا مەيلى – بىراق تەك اقشا جىمقىردى دەگەن ايىپ ەمەس. قازاقتىڭ كەرەمەت ماقالى بار. "ولىمنەن ۇيات كۇشتى". مەن 60 جىل لايىقتى ءومىر ءسۇردىم، – دەگەن ەدى.الەۋمەتتىك جەلىدە ارىستانبەك مۇحامەديۇلىن ايداۋىلدار اكەتىپ بارا جاتقانىن كورسەتەتىن ۆيدەو تارادى. وندا بۇرىنعى ءمينيستردىڭ تۋىسقاندارى سوت وتىرىسىندا سويقان ۇيىمداستىرىپ، ۇكىممەن كەلىسپەگەندەرىن بىلدىرگەنى بايقالادى. جيناقتاي ايتقاندا، تەرگەۋ ءبىر جىلعا سوزىلدى. تەرگەۋ مالىمەتىنشە، ءبىراز جىل مادەنيەت جانە سپورت مينيسترلىگىن باسقارعان مۇحامەديۇلى مەن ونىڭ سىبايلاستارىنىڭ مەملەكەتكە كەلتىرگەن شىعىنى شامامەن 221 ميلليون تەڭگەدەن اسادى.
"ادىرنا" ۇلتتىق پورتالى
ۇقساس جاڭالىقتار
سوت ۇكىمى
#ارىستانبەك_مۇحامەديۇلى
ۇلتتىق مۋزەي
مادەنيەت جانە سپورت
ۇلتتىق مۋزەي ديرەكتورى ارىستانبەك مۇحامەديۇلىنا قاتىستى «كۇزەتپەن ۇستاۋ» بۇلتارتپاۋ شاراسى تاڭدالدى. تەرگەۋ «التىن ادامنىڭ الەم مۇراجايلارى بويىنشا شەرۋى» حالىقارالىق كورمەسىن وتكىزۋگە
