Jalpy, sońǵy kezde biz óner juldyzdaryn qatty qysyp jiberdik. "Dımash qurly joqsyńdar" dedik, "toı bıznes ókilderi" dedik... Qoǵamda olarǵa qarsy kádimgideı negatıv qalyptasty.
Degenmen, buny aıtpasaq olarǵa qııanat bolady, bizdiń óner juldyzdary "ıýtýbty" meńgere bastaǵan eken.
Erke Esmahan, "Allo" áni - 38 mln kórilim.
Álııa Ábiken men Qanat Úmbetov - "Janymda bol" - 32 mln kórilim.
Al osy Erkeniń "Qaıdasyń" - 90 mln kórilimge ıe bolyp, tipti tyńdarman aýdıtorııasy kóp Reseı ánshilerin de shań qaptyryp ketken eken. Bul ázirshe bizdiń rekord.
Endi, sońǵy kezde "Opmaı Opmaı" áni ıýtýbte jarylǵan bomba bop shyǵyp, onyń kórilimi apta sanap mıllıondar qosyp keledi. Búginde onyń kórilimi 30 mıllıonnan asypty. Hıt pa, Hıt. Bir kórilim degen tek bir ǵana aı pı nómirmen sanalady, "telefonmen qaıta qaıta kirip kórilim ósirý" degen joq, sizder shataspańyzdar. Iaǵnı, Erkeniń "qaıdasyn" álemde 90 mln adam kórgen.
"Oıpyraı, Qazaqstanda sonsha halyq joq, bulardy kim tyńdaıdy sonda" dep osy klıpterdiń astyna úńilsem, aldymen kóretinim - janymyzdaǵy qyrǵyzdar. Qyrǵyz boordashtardy qazaqtyń hıt ánderiniń astyna shegelep qoıǵan tárizdi. Anaý Álııa Ábikenniń "Janymda bol" ániniń asty kileń qyrǵyzdardyń kommentteri ǵoı, arasynan qazaq tappadym. Qyrǵyzdar jalpy qazaq ónerin súıip qaraıdy eken, bizdiń klıpter men kınolardyń mańy solar júredi.
Odan, bul klıpterdiń astynda taǵy ózbek, tatar, ázirbaıjan, túrik, bashqurt ...jalpy, zaty túrki halyqtarynyń ókilderi qaptap júr.
Eger qazaq óneri osy betinen taımasa, bizdiń mádenı, tildik, rýhanı aıamyz biraz keńip qalaıyn dep tur.
Bundaı qubylysty kórgende biz sııaqty qııalılardyń ımperııalyq ambıııalary oıanady eken. Ras, ıýtýbtegi qazaq ánshileriniń aýdıtorııasyna qarap keıbir ambıııalarym oıanyp júr.
Jalpy, shyny kerek, bizdiń qazekeń túrki halyqtarynyń arasynda asyldyń synyǵyndaı bolǵan shoqtyǵy bıik, erekshe halyq qoı. Bizdiń jastar halyqaralyq dárejede ózderiniń básekege túse alatynyn dáleldep kele jatyr.
Dımash - álemniń aldynda tańdaı qaqtyryp qazaqtyń óleń aıta alatynyn dáleldedi.
Samal Eslıamova - qazaqtyń halyqaralyq deńgeıde kınoǵa túse alatynyn kórsetti.
Sport sańlaqtary buny baıaǵydan dáleldep keledi.
Endi shirkin bizden keleshekte áıgili ekonomıst, ataqty matematık, fızık, ǵylym adamdary, Nobel syılyǵynyń laýreattary shyǵady dep úmittenemin.
Buıyrtsa shyǵady, biz áli potenıaly ashylmaǵan halyqqa jatamyz. Bizdiń búgingi daryndarymyz - sol zamannyń alǵashqy qarlyǵashtary.
Oljas Ábil
"Adyrna" ulttyq portaly
