Balqaşta balalardy ūryp-soǧyp, qorlaǧany üşın aiyptalǧan «Er Töstık» balabaqşasynyŋ tärbieşısınıŋ kömekşısıne ükım şyqty, dep habarlaidy «Adyrna» ūlttyq portaly.
Aǧymdaǧy jyldyŋ nauryz aiynda Balqaş qalasyndaǧy mektepke deiıngı mekemede janjal şyqqan bolatyn. Tüzetu tobyndaǧy balalardyŋ ata-analary balalaryn balabaqşada kütuşınıŋ ūryp-soǧyp, qorlaǧanyn aityp, beinejazba tüsırıp alǧan. Atalǧan oqiǧaǧa bailanysty balalardy azaptau faktısı boiynşa qylmystyq ıs qozǧaldy. Qylmystyq ıs jaqynda Balqaş qalalyq sotynda qaraldy. Sot küdıktınıŋ 2022 jyldyŋ 22 qyrküiegı men 20 jeltoqsany aralyǧynda ekı balany ūryp-soǧyp, qorlaǧanyn anyqtady. Aiyptaluşy öz kınäsın moiyndady. Istıŋ barlyq materialdaryn zerdelegen sot sottaluşyny kınälı dep tanyp, oǧan 4 jylǧa bas bostandyǧyn şekteu jazasyn taǧaiyndady jäne 3 jylǧa balalarmen jūmys ısteu qūqyǧynan aiyrdy. Balqaş qalalyq sotynyŋ qyzmetınıŋ mälımdeuınşe, ükım älı zaŋdy küşıne engen joq. Eske salaiyq, 2023 jyldyŋ nauryz aiynda Balqaştaǧy balabaqşada söileu qabıletı būzylǧan balalardyŋ ata-analary topta ornatylǧan baqylau kamerasynyŋ jazbasynan mūǧalımnıŋ balalardy qalai qorlaǧanyn körgen. Sonymen qatar Qaraǧandyda jekemenşık balabaqşanyŋ ata-anasy büldırşınderınıŋ denelerı kögergenın aityp şaǧymdanǧan.«Adyrna» ūlttyq portaly
Ūqsas jaŋalyqtar
