Bügın ǧana Qazaqstan Respublikasyndaǧy Bala qūqyqtary jönındegı uäkıl lauazymyna taǧaiyndalǧan Dinara Zäkieva qyzmetıne kırısıp ülgerdı. Ol qyzmet babynda qaza tapqan orman şaruaşylyǧy qyzmetkerlerınıŋ balalarymen kezdesu üşın Abai oblysyna barady, dep habarlaidy “Adyrna” tılşısı.
Memleket basşysynyŋ ökımımen jaŋa qyzmetke taǧaiyndalǧan Dinara Zäkieva Abai oblysyndaǧy alapattan qaitys bolǧandardyŋ jäne evakuasiialau punktterındegı balalarmen kezdespekşı. Būl oiy turaly jaŋa uäkıl Facebook-taǧy jeke paraqşasynda bölıstı:
«Bügın Memleket basşysy menı Qazaqstan Respublikasyndaǧy Bala qūqyqtary jönındegı uäkıl qyzmetıne taǧaiyndap, eŋ maŋyzdy salada jūmys ısteudı tapsyrdy. Qasym-Jomart Kemelūlynyŋ mūndai senımı men üşın ülken jauapkerşılık.
Būl, eŋ aldymen, balalardy qorǧau jäne otbasyn qoldau salasyndaǧy jaǧdaidy jaqsartuǧa mümkındık. Men elımızdıŋ balalarynyŋ ötkır mäselelerın şeşude jüielı özgerıster engızuge bar küş-jıgerımdı salamyn.
Bügın men Abai oblysyna örtten qaza tapqan orman şaruaşylyǧy qyzmetkerlerınıŋ balalarymen, sondai-aq evakuasiialau punktterındegı balalarmen kezdesuge baramyn.
Memleket basşysy örtten zardap şekken otbasylarǧa järdemaqy taǧaiyndau, balalardy oqytu boiynşa naqty tapsyrmalar berdı. Balalyq şaq baqytty jäne qauıpsız boluy kerek. Būl menıŋ basty ūstanymym», - dep jazdy.
Sondai-aq, Dinara Zäkieva ūsynystar men kez kelgen sūraqtardy qabyldauǧa daiyn ekenın jetkızdı. Tıptı, jazbada özınıŋ jeke WhatsApp nömırın qaldyryp, barlyq habarlamaǧa jauap beretının atap öttı.
Ūqsas jaŋalyqtar
