Altai Kölgınov Memleket basşysyna alǧys aityp, Ükımet basşysynyŋ orynbasary jäne elorda äkımdıgın basqaryp tūrǧanda atqarylǧan jūmystarmen tanystyrdy, dep habarlaidy "Adyrna" ūlttyq portaly QazAqparatqa sılteme körsete otyryp.
«Ükımette jūmys ısteu, äsırese, äleumettık salaǧa basşylyq jasau men üşın ülken märtebe bolǧanyn aitqym keledı. Būl – maŋyzdy ärı näzık salalardyŋ bırı. Memleket basşysy Qasym-Jomart Kemelūly Toqaevtyŋ tapsyrmasymen «Auyldyq densaulyq saqtaudy jaŋǧyrtu», «Jaily mektep», «Auyl amanaty» jäne taǧy basqa memlekettık baǧdarlamalardy jüzege asyru bastaldy. Jauapty ministrlıkter jūmysyn bastady. Mäselen, «Auyl densaulyq saqtau salasyn jaŋǧyrtu» jobasy 3 jyl ışınde 600-den astam medisinalyq nysandy salu arqyly auyl tūrǧyndaryn jedel ärı sapaly medisinalyq kömekpen qamtamasyz etedı», - dep jazdy Altai Kölgınov Facebook paraqşasynda.Sondai-aq, Ükımet basşysynyŋ būrynǧy orynbasary respublkalyq «Jaily mektep», «Auyl amanaty» baǧdarlamalarynyŋ jüzege asyrylu barysyna toqtalyp öttı.
«Otandyq joǧary oqu oryndarynyŋ bäsekege qabıletın arttyru maqsatynda şeteldık jetekşı JOO-men ärıptestık bailanystardy jüzege asyru jūmystary bastaldy. Studentterge jataqhanalar sanyn köbeitu jūmystary da jürgızılıp jatyr.Halyqtyŋ tabysyn arttyru baǧdarlamasy, sondai-aq mädeniet, sport, turizm, jastar saiasaty jäne t.b. qatysty jaŋa tūjyrymdamalar qolǧa alyndy. Jyl basynan berı elımızdıŋ 20 öŋırınıŋ bärın aralap, tūrǧyndarmen kezdestım. Sol jüzdesuler barysynda äkımdıktermen bırlese jūmys jospary jasalyp, qazırdıŋ özınde qarqyndy türde jüzege asyryla bastady», - deidı ol.Odan ärı elordanyŋ eks-äkımı astanalyqtardy jiı mazalaityn mäselelerdı qozǧap, atqarylǧan jūmystar boiynşa esep berdı.
«Astana – halyq sanynyŋ ösu qarqyny joǧary ärı eŋ jyldam damyǧan qala. Būl jerge jūmysqa kelgenımde basty mäselelerdıŋ bırı – üleskerlerdıŋ mäselelerın şeşu boldy. Ondaǧan jyldan berı päter kezegınde tūrǧan 16 myŋǧa juyq ülesker otbasynyŋ 80 paiyzdan astamynyŋ mäselesı şeşıldı. Sondai-aq bız äleumettık nysandardyŋ sanyn aitarlyqtai arttyrdyq. Atap aitqanda 36 mektep paidalanuǧa berıldı. Taǧy 9 mektep aiaqtalu kezeŋınde. Nätijesınde ekı auysymmen barlyǧy 93 myŋ oquşyǧa jaŋa oryn. Bız 20 myŋnan astam äleumettık päter, 900-ge juyq aulalar men qoǧamdyq oryndardy saldyq.Elordanyŋ ärbır törtınşı tūrǧyny tūrǧyn üi alaptarynda tūratynyn eskere otyryp, tūrǧyn üi alaptaryn damytudyŋ jeke jospary jasaldy. Eldı mekenderde 700 şaqyrymǧa juyq gaz qūbyry, 42 şaqyrym su qūbyry, 17 şaqyrym jaŋbyr suy, 11 şaqyrym kärız jelısı, 250 köşe jäne Ūly dala daŋǧylynyŋ boiyndaǧy köpır qūrylysy da aiaqtaldy. Qalada 400-den astam jaŋa köşe salynyp, jöndeldı. Täuelsızdık daŋǧylynyŋ boiynda köpır salu jūmystary bastaldy. Būryn jaŋbyr jausa astana köşelerın su basyp ketetın. Sol jūmystarmen jüielı ainalystyq. 146 uchaskede su basu mäselesı şeşıldı. Ol üşın 130 şaqyrymnan astam jauyn-şaşyn kanalizasiiasy men aryq jüiesı salyndy. Mysaly, su tasqyny mäselesı eŋ problemaly jerdıŋ bırı – B.Momyşūly daŋǧyly edı. Būl uchaskenı qala tūrǧyndary qaljyŋdap Venesiiamen salystyratyn edı. Sondai-aq, Jastar yqşam audanynda (Täşenov pen Amman köşelerınıŋ qiylysy) tazartu qondyrǧysy salynyp, köşenı su basu mäselesın şeşuge mümkındık berdı. Täşenov, Baraev, Uälihanov, Puşkin, İmanbaeva köşelerı, Respublika jäne Täuelsızdık daŋǧyldarynyŋ joǧarǧy bölıgı; sondai-aq basqa da bırqatar nöser kärızderı men tazartu qūrylystary salyndy. Ükımet 2020 jyldan bastap äkımdıkke jyl saiyn kemınde 3 million şarşy metr tūrǧyn üi salu mındetın qoidy. Bız būl jospardy oryndadyq. Bıraq 2022 jyldyŋ basynda äkımdıktıŋ bastamasymen qūrylys qarqynyn tömendetu ūsynyldy. Halyq sanynyŋ qarqyndy ösuın eskergen äkımdık tūrmysqa qajettı jüielerdı saluǧa kırıstı. Osy mäselelerdı eskerıp, 2020 jyly jaŋa auyz su stansiiasy (NFS-3) jobalanyp, 2021 jyly qūrylysy bastaldy. Osy aida äkımdık NFS-3 qūrylysyn aiaqtaudy josparlap otyr. Sonymen qatar, keşe Astana su qoimasynan su ötkızetın qūbyrdyŋ jaŋa tarmaǧy ıske qosyldy. 2022 jyly ūzaq merzımdı qūrylys nysany JEO-3 qūrylysy qaita jandandy. Sondai-aq 2022 jyly gazben jūmys ısteitın ekı jylu elektr stansiiasynyŋ qūrylysy bastaldy. Olar osy jylytu mausymynda aiaqtaluy tiıs.
«Būl – tūrǧyndardyŋ igılıgı üşın atqarylǧan jūmystar men ülken ūjymnyŋ atqarǧan orasan eŋbegınıŋ bır bölıgı ǧana. Mūnyŋ bärı Memleket basşysynyŋ ülken qoldauynyŋ arqasynda mümkın boldy. Sondyqtan zor senım üşın şyn jürekten alǧys aitamyn!», - dep qorytyndylady A. Kölgınov.Eske sala keteiık, 8 mausym künı Memleket basşysynyŋ Jarlyǧymen Altai Kölgınov Qazaqstan Respublikasy Premer-Ministrınıŋ orynbasary lauazymynan bosatyldy.
"Adyrna" ūlttyq portaly
Ūqsas jaŋalyqtar
