Türkıstanda Ūlttyq qūryltai ötıp jatyr. Memleket basşysy qūryldaidyŋ el basyna qater töngen kezde şaqyrylatynyn aityp, elımızdegı qaiǧyly oqiǧany eske aldy, dep habarlaidy "Adyrna" ūlttyq portaly.
Toqaev qūryltaidyŋ tarihi tolǧaqtarda, qiyn-qystau kezde şaqyrylatynyn aityp, arqany keŋge salatyn kez emes ekenın eskerttı.
«Söz basynda bırden atap öteiın, menıŋşe, Ūlttyq qūryltai būl – arqany keŋge salyp otyratyn jiyn emes. Sän-saltanatpen ötkızetın toi da emes. Babalarymyz maŋyzdy şeşım qabyldar kezde nemese elge qater töngen syn saǧatta qūryltai şaqyrǧan, - dedı Qasym-Jomart Toqaev.Sonymen qatar, prezident Abai oblysyndaǧy alapat örttı aityp, qaiǧyly jaǧdaidy eske aldy.
- Bügıngı qūryltaidyŋ otyrysy elımızdegı qaiǧyly oqiǧadan keiın ötıp jatyr. Abai oblysynda alapat ört şyǧyp, azamattarymyz qaza tapty. Taǧy da qaitalap aitqym keledı: bız mūndai oqiǧadan sabaq aluymyz kerek, naqty şeşımder qabyldauymyz qajet. El basyna tüsken qiyndyqtar, eŋ aldymen, bızdıŋ bereke-bırlıgımızdı synǧa salady. Osyndai kürdelı sätter, eŋ bastysy – şynaiy janaşyrlyq jäne tereŋ jauapkerşılık tanytu qajet ekenın aiqyn körsetedı. Mūny özderıŋız öte jaqsy tüsınıp otyrsyzdar», - dedı prezident.
"Adyrna" ūlttyq portaly
Ūqsas jaŋalyqtar
