حەلگا شميدكە استانا حالىقارالىق فورۋمىنا قاتىسقانى ءۇشىن العىس ايتا وتىرىپ، توقاەۆ بۇل فورۋم باتىس پەن شىعىس اراسىنداعى بايلانىستى نىعايتۋدىڭ جاڭا الاڭىنا اينالۋدى كوزدەيتىنىن اتاپ ءوتتى، دەپ حابارلايدى "ادىرنا" ۇلتتىق پورتالى.
"وسى فورۋمدا ءسىز باستاعان ەقىۇ دەلەگاتسياسى قازىرگى الەمدە ورىن الىپ وتىرعان كوپتەگەن ماسەلەلەردى شەشۋگە زور ۇلەس قوسادى دەپ ويلايمىن. قازاقستان ءۇشىن ەقىۇ-مەن ىنتىماقتاستىقتا بولۋ ساياسي باسىمدىق بولىپ تابىلادى. ءبىز ۇيىمنىڭ رولىنە قاتىستى بار كەلىسپەۋشىلىكتەرگە الاڭدايمىز. 2010 جىلى استانادا وتكەن سامميتتەن كەيىن مينيسترلەر دەڭگەيىندە دە، باسقا فورماتتا دا بىردە-ءبىر رەسمي قۇجات قابىلدانعان جوق. ارينە، بۇل ءبىزدى الاڭداتادى. ءبىز ۇيىم اياسىندا بەرىك بايلانىستار قاجەت ەكەنىنە سەنىمدىمىز»، - دەدى مەملەكەت باسشىسى.
پرەزيدەنتتىك ايتۋىنشا، قازاقستان ەقىۇ-نىڭ بەلسەندى مۇشەسى بولىپ تابىلادى. توقاەۆ ەلىمىزدىڭ ەقىۇ-مەن ءوزارا ءتيىمدى سەرىكتەستىك پەن اشىقتىق رۋحىندا تىعىز ىنتىماقتاستىقتى جالعاستىرۋعا جانە ۇيىمنىڭ باس حاتشىسى رەتىندە حەلگە شميدكە جان-جاقتى قولداۋ كورسەتۋگە دايىن ەكەنىن مالىمدەدى.
"ادىرنا" ۇلتتىق پورتالى
