Pavlodarda IIM mamandandyrylǵan kúzet basqarmasynyń mas bastyǵy Aıdar Nurmuhambetovtiń Lexus kóligin tizgindeý kezinde adam ólimine ákep soqtyrǵan jol-kólik oqıǵasy boıynsha sot úkimi shyqty, dep habarlaıdy “Adyrna” QazTAG agenttigine siltep.
«Sot N. Aıdar Nurmuhambetovty Qylmystyq kodekstiń 345-1-babynyń 3-bóligimen (jol júrý erejelerin nemese kólik quraldaryn basqarý kezinde alkogoldik, esirtkilik nemese toksıkomandyq masańdyq kúıinde kólik quraldaryn basqarǵan tulǵalar tarapynan jol qozǵalysy erejelerin buzý) qylmystyq quqyq buzýshylyq jasaǵany úshin kináli dep tanyp, oǵan úsh jyl alty aıǵa bas bostandyǵynan aıyrý jazasyn jáne kólik quraldaryn basqarý qyzmetimen aınalysýǵa 10 jylǵa deıin tyıym salý jazasyn taǵaıyndady», - dep málimdedi Pavlodar qalasynyń №2 sotynyń sýdıasy Bıbigúl Sabıtdenova juma kúni.
Jol apaty 2024 jyldyń 27 shildesinde túnde Pavlodar mańynda bolǵan. Alkogoldik masań kúıde bolǵan Nurmuhambetov jyldamdyqty asyrǵan jáne araqashyqtyqty saqtamaǵan kúıde Lexus avtokóligimen aldyńǵy jaqta kele jatqan «Volga» kóligine soǵylǵan. Osynyń saldarynan «Volga» kóligi aýdarylyp ketip, júrgizýshisi oqıǵa ornynda kóz jumdy. «Volga» kóliginiń jolaýshysy aýyr jaraqat alyp, II top múgedegi bolyp qaldy. Sondaı-aq, apat ornyna kelgennen keıin «Volga» kóliginde bolǵan bala aýrýhanaǵa tústi.
Júrgizýshi sol kúni-aq qamaýǵa alyndy. 38 jastaǵy Nurmuhambetov, buryn Astanada úkimettik mekemelerdi qorǵaý arnaıy qyzmetiniń basqarmasyn basqarǵan, jazasyn qaýipsizdigi tómen qylmystyq-atqarý mekemesinde óteıtin bolady. Sonymen qatar, ol marqumnyń týystaryna 10 mıllıon teńgeden astam jáne «Volga» kóliginiń jolaýshysyna 7 mıllıon teńgeden astam materıaldyq jáne moraldyq shyǵyndardy tóleýge mindetti.
Úkim zańdy kúshine engen joq.
