Eks-prezident Nūrsūltan Nazarbaevtyŋ nemere ınısı Qairat Satybaldynyŋ bar mülkı memleket menşıgıne berıledı. Būl turaly Antikordyŋ baspasöz qyzmetı aitty, dep habarlaidy «Adyrna» tılşısı.
Sybailas jemqoryqqa qarsy ıs-qimyl agenttıgı tergeu barysynda zaŋsyz şyǧarylǧan aktivterdı, sondai-aq qylmystyq qarajatqa satyp alynǧan mülıktı qaitaru boiynşa şaralar qabyldanǧanyn mälımdedı.
«Satybaldyūlyna zalaldy öteu maqsatynda biznes ortalyqtar, äkımşılık ǧimarattar, kommersiialyq üi-jailar, üiler, päterler, aiaqtalmaǧan qūrylys obektılerı, jer uchaskelerı, ekskliuzivtı zergerlık būiymdar, liuks avtomaşinalar men aqşalai qarajat memleketke berıledı. Olardyŋ qataryna 2021 jyldyŋ qaraşa aiynda Satybaldyūlymen bailanysty käsıporyn satyp alǧan «Double Tree by Hilton Almaty» qonaq üiı kıredı.Qazırgı uaqytta osy obektını memleket menşıgıne qaitaru aiaqtaluda»,—dedı basqarma. Būǧan deiın Qairat Satybaldynyŋ qamauda otyrǧan kezınde 6 mlrd teŋgege Almatydan qonaq üi satyp alǧanyn jazǧan edık. Būl mäselenı Mäjılıs deputaty Maqsat Tolyqbai köterıp, şaǧymdanuşylardyŋ aryzyn Antikor men Bas prokurorǧa joldaǧanyn aitty. Eske salaiyq, Qairat Satybaldy 2022 jyldyŋ 13 nauryzynda ūstalyp, uaqytşa ūstau izoliatoryna qamalǧan bolatyn. Ol «Qazaqtelekom» AQ men «Kölıktık servis ortalyǧy» AQ qarajatyn asa ırı kölemde ūrlau faktılerı boiynşa aiyptalyp, 6 jylǧa sottaldy.
Ūqsas jaŋalyqtar
