Almaty qalasyndaǵy “Ahlıak” jeke balabaqshasynda tárbıeshi balany tunshyqtyrǵan. Bul týraly balanyń anasy jelige vıdeosyn jarııalady, dep habarlaıdy “Adyrna” ulttyq portaly.
“Ahlıak” jeke balabaqshasynyń tárbıelenýshisi, 4 jasar balanyń anasy Baný Tileýshova áleýmettik jelige balasyn tárbıeshiniń julqylap, tunshyqtyrǵan vıdeosyn jarııalap, kómek surady.
“12 aqpan kúni balam balabaqshadan kelgende “mama apaı meni urdy, julqylady” dep qolymen qalaı bolǵanyn kórsetip aıtty. Shyny kerek, qatty mán bermedim, olaı jasamaıdy, dep oıladym. Kelesi kúni taǵy balam “mama meni apaı tunshyqtyrdy” dep taǵy da shaǵymdandy. Balam qatty qorqyp turdy”, dep jazdy Baný.
Odan keıin ol birden balabaqshaǵa baryp, ne bolǵanyn surap, kamerany kórsetýin talap etken. Basynda kamera jasamaıdy dep uzaq kórsetpeýge tyrysqan. Aıtýynsha, polıııa shaqyramyz degende ǵana kamerany kórsetken.
“Kamerany kórip tań qaldyq, tek 2 kúnin kórdik. 2 kúnde de dál balam qalaı aıtty, solaı bolǵan. Búgin balam balabaqshaǵa kelgen kúnnen bastap bárin qaraımyz. Qudaı bilsin, taǵy nestegenderin. Bul vıdeoda balamdy 10 mınýt boıy qaıta-qaıta tunshyqtyryp, moınyn qysyp, aýzy men murnyn jaýyp turǵanyn kórip turmyz. Eń qorqynyshtysy, artyndaǵy eki apaıdyń kórip otyryp, tamaq ishe bergenderi, al balam qınalyp kómek surap jatyr. Balamdy bir emes, eki emes qaıta-qaıta tunshyqtyryp, osyndaı áreket jasap otyrǵanda “psıhıkalyq túrde aýytqýy bar ma” dep qaldyq.
…Men apaıyna keletinimdi aıtyp jazǵan kezde toqtaǵan, balany tynyshtandyryp, daıyndaǵan. Al men kelmesem ne bolady? Bul vıdeo barlyǵyna taraǵanyn qalaımyn. Qoldaýlaryńyz kerek”, dep jazdy balanyń anasy.
Ata-analar Bostandyq aýdandyq polıııasyna aryz jazdy.
Aıta ketsek, balabaqsha jylyna shamamen, 1,8 mln teńge turady.
