Ulytaý oblysynda patronat ata-ana shamamen 5 jyl boıy asyrap alǵan úsh balany uryp-soǵyp, sharýaǵa jegip qoıǵan, dep habarlaıdy “Adyrna” ulttyq portaly.
Bul týraly Bala quqyqtary jónindegi ýákil Dınara Zakıeva málimdedi.
Onyń aıtýynsha, prokýratýra men qorǵanshylyq jáne qamqorshylyq organdary bul faktini aqpan aıynyń basynda anyqtaǵan.
2018 jyly patronattyq tárbıeshiler balalar úıinen bir otbasynan úsh balany – bir qyz jáne eki uldy alyp ketken. Ol kezde balalar 8 ben 14 jas aralyǵynda bolatyn. Anyqtalǵandaı, asyrap alýshylar osy ýaqyt boıy balalardy durys tamaqtandyrmaı, uryp-soǵyp, sharýashylyqqa májbúrlegen.
«Sharýashylyqqa kelgen komıssııa músheleri balalardyń turmys jaǵdaıynan shoshyp ketti. Olardyń denesi kógergen, tyrtyqtary bar, aryq, sharshaǵan, ash, ábden kirlegen, ústerine shúberek ilgen. Osy jyldar boıy qamqorshy balalardy qorlap kelgen – uryp-soǵyp, azaptap, 5 jyl boıy quldyqta ustap, sondaı-aq balalardyń járdemaqysyn alyp otyrǵan», - dep jetkizdi Zákıeva.
Sonymen qatar balalardyń is júzinde oqymaǵany da anyqtaldy.
"Qamqorshy tulǵa qyz balany eger ol jumys jasamasa nemese shaǵymdansa, endi baýyrlaryn kórsetpeımin dep qorqytqan. Onymen qoımaı, jaqynda ol áli de patronatqa alýǵa bolatyn balalar bar ma dep qyzyǵýshylyq bildirgen", — dedi ol.
Quqyq qorǵaý organdary bul másele boıynsha qylmystyq isti tirkedi. Zakıeva búginde balalar birge jáne qaýipsizdikte ekenin málimdedi.
“Adyrna” ulttyq portaly
