“Adyrna” ulttyq portaly ujymy 31 mamyr saıası qýǵyn-súrgin qurbandaryn eske alý kúnine oraı, Almatydaǵy repressııa jáne ashtyq qurbandaryna arnalǵan eskertkishke taǵzym etti.
Sharaǵa ujymnan bólek túrli zııaly qaýym ókilderi, qoǵam belsendileri qatysty.
Ujym qyzmetkerleri 1930-jyldary ult taǵdyry úshin qurban bolǵan Alash arystarynyń sýretin alyp, olardyń erligi men eńbekterin aıtyp, eske aldy. Asharshylyq ýaqytynda qaza tapqan ata-babalarymyzdyń rýhyna táý etip, eskertkishke gúl shoqtaryn qoıdy.
Babalar rýhyna alǵys bildirip, qyrshyn ketken ult zııalylaryn eske alýǵa kelgen jurtshylyq, qoǵam úshin mańyzy zor datany eleýsiz qaldyrmaǵan “Adyrna” ujymyna alǵystaryn jaýdyrdy.
“Táýelsiz eldiń tól perzentteri úshin bul kúnde babalar rýhyn eske alý, taǵzym etý kıeli paryz. Búgingi kúngi azattyǵymyz osy babalarymyzdyń qanymen kelgeni haq. Endeshe osy táýelsizdigimizdiń, azat kúnimizdiń qadiri men qasıetin uǵa bileıik. Jasasyn Qazaq, jasasyn Alash!” dedi “Adyrna” portalynyń basshysy Arman Áýbákir.
"Adyrna" ulttyq portaly
