Almaty oblysy ákiminiń birinshi orynbasary Nurlan Ábdirahym «Jańa bastamalar - jańa múmkindikter», «Áleýmettik ıdeıalar men jobalar jármeńkesi-2023» atty baıqaýdyń jeńimpazdaryn marapattady.
Konkýrs qoǵamdyq uıymdardyń áleýetin ózekti áleýmettik jáne qoǵamdyq mańyzy bar mindetterdi sheshýge baǵyttalǵan. Oblys ákimdigi 10 jobany qoldaýǵa jalpy somasy 10 mln teńge grant bóldi. Aǵymdaǵy jyly 30 ótinim berildi jáne olardyń úshten biri ǵana qarjylaı qoldaýǵa ıe bola aldy. Oblys ákiminiń birinshi orynbasary búgingi tańda elimizdegi azamattyq qoǵam ınstıtýttary memlekettiń tiregi jáne áriptesi bolyp tabylatynyn atap ótti. Shara barysynda "Densaýlyq - zor baılyq" múgedekter qoǵamdyq birlestiginiń basshysy Sholpan Janbabaevaǵa kómegi úshin úlken alǵysyn bildirdi, sebebi "Úmit sáýlesi" ortalyǵynda jańa jabdyq paıda bolady. Al Uzynaǵash aýylynyń múgedekter qoǵamynyń basshysy Gúlzat Asqarova da baıqaýdyń mańyzdylyǵyn aıtyp berdi.
- Qoǵamdy demokratııalandyrý saıasatynyń arqasynda bul baǵytta kóptegen ıgi ister atqarylýda. Jyldan jylǵa zańdy baza jetildirilýde, qarjy qory bólinýde, memlekettik organdar men úkimettik emes sektordyń ózara is-qımyly nyǵaıtylýda, ıaǵnı osy sektordy damytýdyń memlekettik júıesi qalyptastyrylýda. Jeńimpaz jobalar óńirimizdiń ózekti máselelerin sheshýge daıyn ekenine senimdimin, - dedi Almaty oblysy ákiminiń birinshi orynbasary Nurlan Ábdirahymov.
Is shara barysynda Jambyl aýdany Uzynaǵash aýyly múgedekter qoǵamynyń basshysy Gúlzat Asqarova sóz alyp, bergen múmkindikter úshin alǵysyn bildirdi.
- Biz ınvataksı jáne jeke kómekshiniń qyzmetin usynýmen aınalysamyz. Búgin jeńip alǵan grant massaj jabdyǵyna, balalarǵa arnalǵan massaj bólmesin ashýǵa jumsalady. Massaj barlyq balalarǵa qol jetimdi bolady, kóbine múmkindigi shekteýli balalardyń ońalýyna baǵyttalmaq. Degenmen, eresekter de em qabyldaý úshin aldyn ala jazyla alady. Ákimdik bizge ortalyqtyń qurylysyna 8 sotyq jer bóldi jáne qazir bul jumysty jaqyn arada bastaý úshin ınvestorlardy tolyqqandy izdeý júrip jatyr. Bolashaqta ortalyqta múgedektigi bar balalardy daıarlaý ótedi, onda olar bilim alyp, keıinnen qoǵamǵa eleýli úles qosyp jumysqa ornalasady, - dedi Gúlzat Asqarova.
Qorytyndylaı kele, oblys ákimniń birinshi orynbasary Nurlan Ábdirahym granttardy tapsyryp, barlyq jeńimpazdarǵa qoǵam ıgiligi jolyndaǵy jumystaryna tabys tiledi.
