Almaty oblysynda kásipkerlikti memlekettik qoldaý baǵdarlamaldary keńinen túsindirildi.
Óńir aýmaǵynda atqarylǵan shara Eńbekshiqazaq aýdanynda jalǵasyn tapty. Aýdan halqyna memleket tarapynan kásipkerlikke beriletin qoldaýdyń san tarmaǵy tarqatylyp aıtylǵan kezdesý oblystyń kásipkerlik jáne ındýstrııalyq-ınnovaııalyq damý basqarmasynyń uıymdastyrýymen «Almaty oblysy jumyspen qamtýdy úılestirý jáne áleýmettik baǵdarlamalar basqarmasy», Almaty oblysynyń Kásipkerler Palatasy jáne «Damý» Almaty oblysy aýmaqtaryn damytý ortalyǵy mamandarynyń bastama kóterýimen uıymdastyryldy.
Elmen júzdesýde kún tártibinde jastardy 2,5 paıyzdyq mólsherlememen shaǵyn nesıe berý máselesi talqylandy. Aımaq halqynyń tabys kózin arttyrýǵa yqpal etý maqsatynda júzege asyrylyp jatqan baǵdarlamanyń bolashaǵy zor, aıasy keń. Tek nasıhat jumystary jandanyp, jalyndy jastardyń bilek sybana kirisýi ǵana jetkilikti.
Sonymen qatar, mamandar 1 380 000 teńge jáne 5000000 teńgege deıingi memlekettik qaıtarymsyz granttar berý jaıy týraly da aıtty. Jáne «Aýyl Amanaty» jobalary tanystyryldy. Kezdesý barysynda aýyl turǵyndaryna óz bıznesin ashýǵa nemese burynǵy isin keńeıtýge qajetti aqparattar men túrli múmkindikter bar ekendigi týraly maǵlumattar aldy.
