Ǧylym jäne joǧary bılım ministrı Saiasat Nūrbek Almaty qalasyna jūmys sapary barysynda 980 oryndyq Qazaqstan-Britan tehnikalyq universitetınıŋ studenttık jataqhanasynyŋ qūrylys barysymen tanysty, dep habarlaidy «Adyrna» tılşısı.
«Jospar boiynşa ıske qosu merzımı – 2023 jyldyŋ jeltoqsany. Salynyp jatqan jataqhanada studentterdıŋ tūruyna, oquyna jäne demaluyna barlyq qajettı jäne jaily jaǧdailar jasalady»,—dedı basqarma basşysy.Ministr Almaty qalasynda studenttık jataqhanalardyŋ tapşylyq mäselesı älı de bar ekenın atap öttı.
«Bügınde mūnda 29 745 student tūratyn 96 jataqhana bar. Qazır qajettılık 32 myŋnan astam tösek-oryndy qūraidy. Ötken jyly halyqtyŋ äleumettık osal toptaryndaǧy studentterge oryn beru mäselesın şeşu üşın arnaiy ştabtyŋ jūmysy ūiymdastyryldy. Jataqhana tapşylyǧyn azaitu mäselesı boiynşa memleket biznespen belsendı jūmys jürgızude. 2022 jyly memlekettık tapsyrys boiynşa qala käsıpkerlerı men Qarjy ortalyǧy arasynda qoldanystaǧy 4 nysandy 659 oryndyq jataqhanaǧa qaita formattau boiynşa kelısımşarttar jasaldy. Bügıngı künı barlyq nysan ıske qosyldy. 1492 tösek-orynǧa arnalǧan taǧy 5 nysan 2023 jyldyŋ 1 qyrküiegıne deiın, al 450 tösek-orynǧa arnalǧan 2 nysan 2023 jyldyŋ soŋyna deiın qaita jaŋǧyrtylady dep josparlanuda. Būdan basqa, jyl soŋyna deiın jaŋa 3 studenttık jataqhananyŋ qūrylysyn aiaqtau josparlanuda (solardyŋ bırı – joǧaryda atalǧan QBTU jataqhanasy)»,—dedı ol.Saiasat Nūrbek biznes ökılderımen kelıssözderdı jalǧastyratynyn jetkızdı.
«Qazır qarjy ortalyǧynyŋ baǧdarlamasy arqyly öz esebınen jataqhana saluǧa daiyn 93 äleuettı investordyŋ tızımı jasaldy. Jüzege asyrylatyn baǧdarlama jäne oǧan qatysu şarttary turaly tolyq aqparat arnaiy https://studdom.fincenter.kz/ saitynda ūsynylǧan»,—dedı ministr.
Ūqsas jaŋalyqtar
