Qazaqstan Respublikasy Prezidentınıŋ janyndaǧy Qazaqstan Respublikasynyŋ Ūlttyq ǧylym akademiiasy (būdan ärı – Ǧylym akademiiasy) jas ǧalymdardyŋ basyn qosyp «Qazaqstan ǧylymy mäselesın anyqtau jäne şeşu joldary» atty döŋgelek üstel ötkızdı. Şaranyŋ basty maqsaty – otandyq ǧylymdy damytu. Jas ǧalymdardyŋ oiyn tyŋdap, olarǧa mümkındık beru.
Jiynǧa törtkül dünienıŋ är qiyrynda jürgen 200-ge juyq jas ǧalym qatysty. Atap aitsaq, Türkiia, Ūlybritaniia, AQŞ, QHR, Polşa, Daniia sekıldı elderde jürgen qazaq ǧalymdary otandyq ǧylymnyŋ damu tūjyrymdamasyna qatysty pıkır bıldırdı.
Döŋgelek üsteldı aşyp bergen QR Prezidentı janyndaǧy QR ŪǦA Basqarma prezidentı Künsūlu Zakaria basqosudyŋ mänı elımızdıŋ ǧylym äleuetınıŋ damuy men bolaşaǧyn aiqyndau ekenın aitty.
Ūlttyq ǧylym akademiiasynyŋ aldynda ülken missiia tūr. Ǧylym ärqaşan qoǧamnyŋ qajettılıgın ötep, ekonomikanyŋ basty qozǧauşy lokomativı bolu kerek. Sol sebeptı, ǧylymdy keŋınen nasihattauǧa arnalǧan ūzaq merzımdı jospar äzırlenıp, forsaittyq zertteuler jürgızıledı. Halyqaralyq yntymaqtastyq pen ǧylymi kadrlardyŋ bılıktılıgın arttyru boiynşa naqty şaralar qoldanudamyz, – dedı K. Zakaria.
Ǧylym akademiiasy jas ǧalymdarǧa erekşe köŋıl bölıp otyr. Osy arqyly ǧylymǧa janaşyr azamattardyŋ ortasyn qalyptastyrudy közdeidı. Atalǧan basqosuda saladaǧy tüitkıldı mäseleler aitylyp, onyŋ şeşımı ortaǧa salyndy. Mäselen, saǧattyq jūmys ızdeuge arnalǧan «EasyTap» onlain servisınıŋ negızın qalauşy Töleş Maǧzūm köp ǧalymnyŋ bizneske nemqūraily qaraitynyn, sol baǧyttaǧy bılımınıŋ azdyǧyn tılge tiek ettı. Onyŋ şeşımı retınde ǧalymdardy bizneske oqytu baǧdarlamasyn ūsyndy. Olar sol arqyly serıktes tauyp, biznes jobalaryn qoǧam igılıgıne qyzmet etetın önımge ainaldyra alady. Odan özge jobany kommersiialandyru, investisiia tartu men arnaiy granttardy ülestıru kezınde ǧalymdar kezıgetın mäseleler köterıldı.
Atalǧan döŋgelek üstel jas ǧalymdarǧa kerı bailanys ornatatyn taptyrmas alaŋ boldy. Kezdesude jas ǧalymdar üşın aşyq qoljetımdı zerthanalar konsorsiumyn qūru, maqalalardy resenziialau üşın sauatty, otandyq jäne şeteldık sarapşylardy tartu jäne otandyq jurnaldarǧa qarjylyq qoldaukörsetu arqyly sapasy men märtebesın arttyru, ǧylymi jūmystardyŋ nätijesı boiynşa Hirş indeksın ǧana köteru emes, jūmystyŋ sapasyn baǧalaityn kriterii engızu, ÖNDIRIS & JOO & ǦZİ-men bailanysu üşın bıryŋǧai elektrondyq portal qūru, Mümkındıgı şekteulı, mügedek, erekşe qajettılıkterı bar adamdardy qoldai alatyn ǧylymi jäne bılım beru qyzmetınıŋ inkliuzivtı ortasyn qalyptastyru syndy ūsynystar aityldy.
Qazaqstan Respublikasy Prezidentınıŋ janyndaǧy QR Ūlttyq ǧylym akademiiasyna qarasty jas ǧalymdar akademiiasyn jäne barlyq salalar boiynşa jas ǧalymdar keŋesın qūrudy jospary da ūsynyldy.
