Qostanaı oblysy Áýlıekól aýdanyndaǵy iri orman órti 10 qyrkúıek kúni saǵat 10.00-de tolyq sóndirildi, - dep habarlaıdy "Adyrna" tilshisi Tótenshe jaǵdaılar mınıstrliginiń baspasóz qyzmetine silteme jasap.
Mınıstrlik órttiń hronologııasyn aıtty. Órt 2 qyrkúıek kúni saǵat 15.10-da Áýlıekól aýdanyna qarasty Basaman jáne Semıozernyı orman sharýashylyǵy bólimderiniń aýmaqtarynda bastalǵan.
Órt bastalǵannan bergi jalpy aýmaq 43 myń gektardy quraıdy. Órt eki eldi mekendegi 91 úıdi sharpydy jáne zaqymdady.
Evakýaııalanǵandar úılerine oraldy, qalǵandary týystarynda qaldy. Órt bastalǵannan beri qutqarýshylar 2091 adamdy qaýipsiz jerge kóshirdi.
Órt kezinde 12 adam dene jaraqatyn alǵan, kúıik shalǵan, jeńil jáne ortasha dárejedegi ýlanǵan. Zardap shekken 3 adam Áýlıekól aýdandyq aýrýhanasynda jatyr.
Amanqaraǵaı aýylyndaǵy úıindilerdi taldaý kezinde 1935 jyly týǵan azamattyń máıiti tabyldy.
Jedel shtab jumys isteı bastaǵaly Tótenshe jaǵdaılar mınıstrliginiń senim telefonyna 38 qońyraý túsken. 87 azamatqa keńestik-psıhologııalyq kómek kórsetildi, 45 balaǵa toptyq psıhologııalyq jumystar júrgizildi.
Áýe tehnıkalarymen órt sóndirýge barlyǵy 327 sý tógý jumystary júrgizildi.
Órtti sóndirýge qatysqan kúshter men quraldardyń jalpy toptamasy 207 birlik tehnıka men 1785 adamdy qurady.
Basaman jáne Semıozernyı orman ornalastyrý bólimsheleriniń orman sharýashylyǵy kásiporyndarynyń 73 adamnan jáne 21 tehnıkadan turatyn kúshteri men quraldary ornynda qaldy.
Jedel shtab óz jumysyn aıaqtady.
"Adyrna" ulttyq portaly
