Qaraǧandy oblysynda tūrǧyn üiden ört şyǧyp, 6 adam qaza tapty, dep habarlaidy «Adyrna» tılşısı.
«16 jeltoqsan künı saǧat 01:51-de Temırtau qalasynyŋ, Aqtau kentındegegı 5 qabatty tūrǧyn üide ört şyqqany turaly habar tüstı. Alǧaşqy ört söndıru bölımı oqiǧa ornyna 02:25-te jettı. 1-qabattaǧy 3 bölmelı päterde 40 şarşy metr aumaqta ört şyqqan. Tötenşe jaǧdailar departamentınıŋ bölımşelerı kelgenge deiın tūrǧyndar 5 adamnyŋ mäiıtın (2007, 2010 j.t. ūldar, 1983, 1991 j.t. äielder, 1991 j.t. erler) kıreberısten köşege alyp şyqty. Zardap şekkender joǧarǧy qabattardaǧy päterlerden tütın basqan kıreberıs arqyly öz betımen evakuasiialanbaq bolǧan. Tütınnıŋ köp mölşerdegı konsentrasiiasy saldarynan tūrǧyndar dalaǧa şyǧyp ülgermedı. Ört söndıru bölımşelerı kelgen kezde barlau jäne janyp jatqan päterdegı örttı söndıru barysynda 6-şy marqūmnyŋ (1977 j.t. er adam) denesı tabyldy»,—dep tüsındırdı oblystyq TJD-nyŋ baspasöz qyzmetı.Ört söndıruşıler tütın basqan päterdıŋ kıreberısınen 10 adamdy, onyŋ ışınde 4 balany qūtqardy. Ört 03:10-da oqşaulanyp, 04:00-de söndırıldı. Tılsız jaudy joiuǧa Qaraǧandy oblysy Tötenşe jaǧdailar departamentınıŋ 16 qyzmetkerı men 4 bırlık tehnikasy jūmyldyryldy. Qazırgı taŋda örttıŋ şyǧu sebebı anyqtalyp jatyr.
Ūqsas jaŋalyqtar
