«Astana Opera» teatrynda Mádenıet jáne óner qyzmetkerleri kúnine arnalǵan aýqymdy merekelik kesh ótti,
Tuńǵysh ret ótkizilip otyrǵan aıtýly is-shara aıasynda sahnada bir ýaqytta elimizdiń ár óńirinen kelgen 1000-nan astam mýzykant óner kórsetti.
Merekelik is-shara bastalar aldynda Mádenıet jáne sport mınıstri Ashat Oralov jınalǵan qonaqtarǵa, kórnekti mádenıet qaıratkerleri men shyǵarmashylyq zııaly qaýym ókilderine, Memleket basshysy Qasym-Jomart Toqaevtyń quttyqtaý hatyn oqydy.
Konerttik baǵdarlamaǵa elimizdiń óńirlerinen kelgen 24 shyǵarmashylyq ujym ókilderi qatysty. Hor ujymdary, orkestrler, vırtýoz aspapshylary, opera jáne halyq ánshileri ataqty skrıpkashy, dırıjer jáne kompozıtor, Qazaqstan Respýblıkasynyń eńbek sińirgen qaıratkeri Marat Bısenǵalıevtiń «Uly dala áýeni» atty odasyn birge oryndady.
Otandyq mádenıet jáne óner qyzmetkerlerine arnalǵan aýqymdy týyndy ulttyq jáne klassıkalyq mýzykany úılestirgen. Tyńdaýshylar áserge toly tanys áýenderdi jańa nusqada tamashalaı aldy.
Konerttik baǵdarlama aıaqtalǵannan keıin Ashat Oralov sahnada óner kórsetken artıster men shyǵarmashylyq ujymdardyń jetekshilerine alǵys hat tabystady.
«Mádenıet jáne óner qyzmetkerleri kúnine arnalǵan is-sharalar aptalyǵyn laıyqty túrde aıaqtadyq dep oılaımyn. Bizdiń bastamamyzdy qoldaǵandardyń barlyǵyna jáne Memlekettik opera jáne balet teatrynyń sahnasynda óner kórsetýge shaqyrýdy qabyldaǵan shyǵarmashylyq ujymdarǵa rahmet aıtqym keledi. Osy jobaǵa qoldaý bildirip, qatysqany úshin Marat Beısenǵalıevke erekshe alǵys. Mınıstrligimiz mádenıet pen óner salasyn damytý jáne qoldaý baǵytyndaǵy jumysty jalǵastyrady. Aldaǵy ýaqyta belgilengen naqty tapsyrmalardy sizdermen birge oryndaı alatynymyzǵa kúmánim joq»,- dedi QR Mádenıet jáne sport mınıstri Ashat Oralov.
Bir apta boıy elimiz boıynsha konertter, kórmeler, dóńgelek ústelder jáne basqa da barlyǵy 100-den astam is-shara ótti. Sondaı — aq, 300 mádenıet qyzmetkeri «Mádenıet salasynyń úzdigi» tósbelgisimen, 2000-y Qurmet gramotalarymen jáne Alǵys hattarmen marapattaldy. Ashat Oralov búgingi konert merekelik is-sharalardyń keremet kýlmınaııasy bolǵanyn jáne osyndaı keshter budan bylaı jaqsy dástúrge aınalatynyna senim bildirdi.
