Astana qalasynda bastauyş synyp mūǧalımderıne arnalǧan respublikalyq «Altyn tūǧyr» matematikalyq olimpiadasy öz märesıne jettı. Būl bılım dodasy 26–27 nauryz künderı elordadaǧy №115 mektep bazasynda öttı.
Olimpiadany «Daryn» respublikalyq ǧylymi-praktikalyq ortalyǧy men «Zerdelı» aqyl-oi damytu mektebı bırlesıp ūiymdastyrdy. Jobanyŋ basty maqsaty – bastauyş synyp mūǧalımderınıŋ käsıbi şeberlıgın şyŋdau, pedagog märtebesın köteru jäne bılım sapasyn damytu.
Baiqaudyŋ auqymy jyl saiyn keŋeiıp keledı. 2024–2025 oqu jyly olimpiadaǧa şamamen 12 myŋ mūǧalım qatyssa, biyl 2025–2026 oqu jylynda qatysuşylar sany 19 myŋnan asyp tüstı. Irıkteu nätijesınde Qazaqstannyŋ 20 öŋırınen kelgen eŋ üzdık 161 mūǧalım respublikalyq finalda bas qosty.
Olimpiada tapsyrmalary bastauyş synyp baǧdarlamasyna negızdelgen logikalyq jäne avtorlyq esepterden tūrdy. Qatysuşylarǧa tapsyrmalardy oryndau üşın 120 minut uaqyt berıldı. Negızgı saiys 26 nauryzda ötıp, mūǧalımder jeke jäne komandalyq kezeŋderde bılımderı men täjıribesın synady, esepterdı taldady.
«Zerdelı» aqyl-oi damytu mektebınıŋ negızın qalauşy Mäuıt Yrysbek Mäuıtūly bastauyş bılımnıŋ maŋyzyn erekşe atap öttı:
«Bılımnıŋ negızı bastauyşta. Balanyŋ tūlǧa retınde qalyptasatyn kezeŋı – bastauyş synyp. Sondyqtan bastauyş mūǧalımderınıŋ eŋbegı ärdaiym maŋyzdy ärı aldyŋǧy orynda. Bız osy olimpiadany ūstazdarǧa qūrmet körsetu jäne olardyŋ käsıbi damuyna qoldau bıldıru maqsatynda ötkızıp kelemız», – dedı ol.
27 nauryz künı №115 mektepte ötken saltanatty marapattau räsımınde jeŋımpazdar anyqtalyp, üzdık şyqqan pedagogtarǧa arnaiy diplomdar men qarjylai syiaqylar tabys etıldı. Biylǧy dodanyŋ jalpy jülde qory 1,5 million teŋgenı qūrady.
Absoliuttık I oryn ekı qatysuşyǧa būiyrdy. 100 mümkın ūpaidyŋ 84 ūpaiyn jinaǧan:
-
Batys Qazaqstan oblysynan Abueva Galiia Erkingalievna,
-
Jambyl oblysynan Baitileuova Janar Lesbaevna jeŋımpaz atandy.
Komandalyq jarys qorytyndysy boiynşa bas jüldenı Aqtöbe oblysy ielendı.
Respublikalyq «Altyn tūǧyr» matematikalyq olimpiadasy bastauyş mūǧalımderınıŋ joǧary nätijelerge jetuge ūmtylysyn jetıldıruge, şyǧarmaşylyq äleuetı men pedagogikalyq şeberlıgın damytuǧa jäne mūǧalım mamandyǧynyŋ märtebesın arttyruǧa baǧyttalǧan maŋyzdy alaŋǧa ainalyp otyr.
