Syr öŋırınde Qazaqstan Ūlttyq ǧylym akademiiasynyŋ akademigı, matematik, professor Asqar Jūmadıldaev atyndaǧy jas matematikter arasyndaǧy halyqaralyq baiqau bastaldy. Bılımdıler dodasyna elımızdıŋ jäne körşıles Resei, Qyrǧyzstan, Özbekstan memleketınen kelgen 20 men 27 jas aralyǧyndaǧy 100 matematik baq synamaqşy. Bügın Öŋırlık kommunikasiialar qyzmetınıŋ aqparat alaŋynda belgılı matematik Asqar Jūmadıldaev BAQ ökılderıne atalmyş baiqaudyŋ negızgı talaptaryn tüsındırıp öttı.
- Halyqaralyq baiqaudyŋ maqsaty – jas matematik mūǧalımderdıŋ käsıbi şeberlıgı men bılım aluşylardyŋ qabıletın damytuǧa baǧyttalady. Būl bılımdıler baiqauy 2014-2018 jyldar aralyǧynda Qyzylorda qalasynyŋ jas matematikterı arasynda ötıkızılıp kelgen. Al 2019 jyly būl baiqau tūŋǧyş ret halyqaralyq deŋgeide ūiymdastyryldy. Biyl oblys äkımı Nūrlybek Maşbekūly Nälıbaevtıŋ qoldauymen baiqauǧa qatysuşylar sany artyp, saiys joǧary deŋgeide ūiymdastyryldy. Jalpy bızdıŋ Syr elı tek qasiettı önerdıŋ ǧana emes bılımdılerdıŋ de ortasy. Bızdıŋ öŋırde talaidy taŋdai qaqtyrǧan myqtylar şyqqan. Solardyŋ ızın jalǧastyru üşın bızdıŋ jastar bılım men ǧylymǧa bet būruy kerek. Bügın bastau alatyn halyqaralyq olimpiada naǧyz metematikterdı anyqtauǧa jäne jas ǧalymdardyŋ atyn şyǧaruǧa ülken mümkındık bolmaq. Bılımdıler dodasynda 7 kürdelı esep bolady. Berılgen esepter tek bızdıŋ ǧana baiqauǧa arnaiy daiyndalǧan. Sondai-aq, biylǧy baiqaudyŋ bır erekşılıgı – qatysuşylarǧa özım oilastyrǧan bır eseptı qoiatyn bolamyn. Qatysuşy jastarǧa sättılık tıleimın!, - dedı Asqar Serqūlūly.Brifing barysynda fizika matematika ǧylymdarynyŋ doktory, Qazaqstan Matematika pänı mūǧalımder qauymdastyǧynyŋ Prezidentı, Halyqaralyq Jäutıkov olimpiadasynyŋ negızın qalauşy Qairoş Maqyşov halyqaralyq baiqau turaly öz pıkırın jetkızdı.
- Özderıŋız bıletındei, jalpy jaratylystanu baǧyty öte kürdelı bolyp keledı. Onyŋ ışınde matematika baǧytyn kez kelgen bılım aluşy tereŋ meŋgerıp, kürdelı esepterdı şyǧara almaidy. Matematikany jaqsy meŋgeru üşın ūşqyr oilap, logikalyq qabılettı damytu kerek. Sondyqtan bügın bastalǧaly otyrǧan halyqaralyq baiqauǧa elımız ben körşıles memleketterde öz bılımımen közge tüsken jastar qatysaiyn dep otyr, - dedı Qairoş Bekseiıtūly. - Ekınşı märte ūiymdastyrylǧan halyqaralyq baiqau mektep oquşylaryn matematikalyq sūraqtarǧa daiyndauǧa jäne bılım deŋgeiın arttyruǧa, jastardyŋ arasyndaǧy özara dostyq qarym-qatynasty qalyptastyruǧa öz septıgın tigızedı dep oilaimyn. 2022 jyly aimaq basşysy belsendı jastarmen kezdesu barysynda atalmyş saiysty oblystyq deŋgeide jäne halyqaralyq sipatta ötkızu turaly şeşım qabyldady. Baiqaudyŋ ötkızıluıne qoldau bıldırgen Asqar Jūmadıldaev pen «Qazaqstan Matematika pänı mūǧalımderı qauymdastyǧynyŋ» ūjymyna alǧys aitamyz, - dedı oblystyq qoǧamdyq damu basqarmasynyŋ basşysy Almasbek Esmahanov.Baiqaudyŋ jalpy jülde qory – 3 mln.600 myŋ teŋge. 1 orynǧa – 1mln,teŋge, 2 orynǧa – 500 myŋ teŋge, (2 jeŋımpazǧa), 3 oryn – 300 myŋ teŋge (2 jeŋımpazǧa), Sondai-aq, belsendılık tanytqan 10 qatysuşyǧa 100 myŋ teŋgeden yntalandyru syilyǧy tabystalatyn bolady.
Öŋırlık kommunikasiialar qyzmetı
"Adyrna" ūlttyq portaly
