Qyzylordalyqtar qala kúninde taratylǵan palaýǵa talasty

3412
Adyrna.kz Telegram
Foto: vıdeodan alyndy
Foto: vıdeodan alyndy

Qyzylordada qala kúnine jınalǵan halyq tegin taratylyp jatqan tamaqqa talasqan. Bul týraly jelide vıdeosy tarady, dep habarlaıdy “Adyrna” ulttyq portaly.

17 qyrkúıek Qyzylordada qala kúnine oraı aspazdar arasynda saıys ótti. Aspazdar pisirgen 40 qazan palaý shara sońynda jınalǵan halyqqa taratyldy.

Qyzylorda oblysy ákiminiń baspasóz qyzmetiniń habarlaýynsha, "Syr ana" monýmentiniń alańynda 10 myńnan asa turǵynnyń qatysýymen «Aýylym – berekeniń aq besigi» atty etno baǵyttaǵy merekelik is-shara uıymdastyryldy.

Jelige taraǵan beınejazbadan halyqtyń jan-jaqtan qaýmalap, taratylyp jatqan tamaqqa talasyp jatqanyn kórýge bolady.

"Ne degen jabaıylyq", "Qyzylorda halqy ash pa?", "Ashkózdik qoı", "Uıat eken", "Bulaı tegin eshnárse taratpaı-aq qoıyńdarshy", "Itke súıek laqtyrǵandaı", "Masqara", — dep jazdy vıdeony kórgen jeli qoldanýshylary.

”Adyrna” ulttyq portaly

 

 

Pikirler