Resei syrtqy ıster ministrı Sergei Lavrov 29-30 säuır künderı Qazaqstanǧa keledı. Būl turaly brifingte Mariia Zaharova mälımdedı, dep habarlaidy "Adyrna".
Sapar barysynda ol prezident Qasym-Jomart Toqaevtyŋ qabyldauynda bolady, sondai-aq Qazaqstannyŋ syrtqy ıster ministrı Ermek Köşerbaevmen kezdesedı.
"Kezdesude ekıjaqty jan-jaqty strategiialyq serıktestıktı nyǧaitu mäselelerıne, sonyŋ ışınde aldaǧy joǧary deŋgeidegı bailanystar aiasyndaǧy yntymaqtastyqqa basymdyq berıledı", - dedı Zaharova.
Sergei Lavrov soŋǧy ret Qazaqstanǧa 2025 jyldyŋ 10 säuırınde kelgen bolatyn. Ol kezde Almatyda TMD elderı syrtqy ıster ministrlerı keŋesınıŋ otyrysy ötken.
Būǧan deiın ol 2024 jylǧy qaraşada Resei prezidentı Vladimir Putinnıŋ memlekettık saparyna daiyndyq aiasynda Astanaǧa kelgen. Ol 2004 jyldan berı üzdıksız syrtqy ıster ministrı qyzmetın atqaryp keledı.
Aita keterı, 2026 jyldyŋ mamyr aiynda Qazaqstan Vladimir Putindı taǧy da qabyldauǧa daiyndalyp jatyr.
Ūqsas jaŋalyqtar
