Qyzylorda turǵyny bılikten áleýmettik járdemdi kúsheıtýdi talap etken analar narazylyǵyna qatysqannan keıin ózine qatty qysym jasalyp, "polıııa uryp-soqqanyn" aıtady. Bılik muny joqqa shyǵarady.
"TALAP AITQAN SOŃ QYSYMǴA TAP BOLDYM"
Qyzylorda qalasynyń turǵyny Merýert Áıtimova ótken aıda bılikten járdemaqyny kóbeıtýdi, baspana máselesin sheshýdi jáne kóp balaly otbasylarǵa jeńildikter berýdi talap etken analar narazylyǵyna qatysqan. Óz aıtýynsha, qala jáne oblys ákimderimen kezdesýde alǵashqylardyń biri bolyp sóılegen ol áleýmettik jaǵdaıy tómen turǵyndardyń aýyr turmysyn aıtyp, máseleni basshylarǵa jetkizýge tyrysqan.
Kóp uzamaı oǵan telefon shalǵan belgisiz bireýler "tynyshtalýǵa" jáne máselesin sheneýnikterge jeke tártip boıynsha jolyǵyp sheshýge keńes bergen.
Merýert Áıtimova aqpannyń 27-si kúni Qyzylorda qalasy ákimi Nurlybek Nálibaevtyń qabyldaýynan shyǵyp, oblys ákimi Qyrymbek Kósherbaevtyń qabyldaýyna barǵan kezde ony azamattyq kıimdegi birneshe adam kólikke salyp áketkenin aıtady. Merýerttiń sózinshe, polıııa bólimshesinde oǵan qala ákimi Nurlybek Nalybaev pen oblys ákimi Qyrymbek Kósherbaevtyń aldynda sóılegen sóziniń vıdeosyn jáne eki balasynyń sýretin kórsetken. Odan WhatsApp messendjerindegi analar chatyn jabýdy talap etken. Odan WhatsApp messendjerindegi analar chatyn jabýdy talap etken.
- "Biz saǵan eskerttik. Nege tynysh júrmeısiń? Eger analyq quqyǵyńnan aıyrylyp, qamalǵyń kelmese chatty jaýyp, tynysh qana ómir súr" degen polıııada maǵan Aıagóz esimdi jas áıel. Men eshkimdi kóteriliske shaqyrmaǵanymdy, tek kóp balaly jáne jalǵyzilikti analardyń talap-tilekterin jetkizgenimdi aıttym, - deıdi Merýert.
Aımaqtaǵy analar da bılikke talappen keldi
Ol WhatsApp messendjerinde "Qyzylorda analary" chatyn ashqanyn jasyrmaıdy. Onda analar problemalarymen bólisip, usynystaryn ortaǵa salǵan. Chatta zańǵa qarsy eshqandaı is-áreket bolǵan joq dep sendiredi Merýert Áıtimova.
Ol polıııadaǵy "áńgime" kezinde polıııa kıimindegi áıel ony eki ret betinen urǵanyn, ol ekinshi ret qol jumsaǵan kezde ústeldiń shetine qulap, aıaǵy aýyr ekenin aıtyp aýyrsyna aıǵaılap jibergenin aıtyp berdi. Budan soń oǵan sý ákelip berip, tynyshtandyrýǵa tyrysqan bılik ókilderi Áıtimovamen uzaq sóılesip, "shı shyǵarmaı" tynysh júrgeni ózine jaqsy bolatynyn túsindirgen.
Merýert Áıtimova ózin polıııada bes saǵattan artyq ustaǵanyn, telefony men syrt kıimin alyp qalyp, sýyq bólmede otyrǵyzǵanyn aıtady.
Bir saǵattan keıin kelemin dep eki balasyn tastap ketken kelinshektiń uzaq ýaqyt joǵalǵanyna alańdaǵan kórshisi Merýerttiń jaqyndaryna telefon shalyp, habarlaǵan. Polıııada otyrǵan Merýertti burynǵy kúıeýi men týystary túnge qaraı alyp shyqqan.
"MUNDAI FAKTI JOQ"
Merýert Áıtimova aqpannyń 27-inde basynan qandaı jaǵdaı ótkeni týraly birneshe kún boıy eshkimge aıtpaǵan. Ol sodan beri ózine birneshe ret telefon soqqan belgisiz bireýler messendjerdegi chatty jaýyp, belsendiligin doǵarýǵa shaqyrǵanyn jáne "úkimetpen oınamaýdy" eskertkenin aıtady.
Naýryzdyń 4-i kúni Merýert Áıtimova Almaty qalasyndaǵy belsendi Qural Medeýovke habarlasyp, bolǵan jaıtty baıandaǵan. Medeýov qyzylordalyq turǵynnan estigenin sol kúni Facebook áleýmettik jelisindegi paraǵynda jarııalaǵan.
Bılik ókilderi bul belsendiniń postyna jaýap qatty. Naýryzdyń 5-i kúni Qyzylorda qalasynda BAQ ókilderi úshin uıymdastyrylǵan jıynda Qural Medeýovtyń áleýmettik jelidegi jazbasyn sózbe sóz oqyǵan Qyzylorda oblystyq polıııa departamentiniń bastyǵy Qaırat Muhıtov belsendi taratqan aqparat shyndyqqa saı emes dep málimdedi.
- Biz tekserdik. Mundaı derek esh jerde oryn almaǵan. Ne oblys ákimdiginde, ne basqa jerde mundaı fakti joq. Polıııa departamenti tańerteń barlyq bólimshelerdiń jetekshilerin jınap, tekserdi. Mundaı fakti joq, - dedi Muhıtov aımaqtyq kommýnıkaııa qyzmetindegi jıynda.
Polıııa departamentiniń bastyǵy Qazaqstanda "kópe-kórneý jalǵan aqparat taratqany" úshin qylmystyq jaýapkershilikke tartylatynyn eskertti.
Azattyq tilshisi sóılesken almatylyq belsendi Qural Medeýov Qyzylorda turǵynynan telefon arqyly estigenin jurtqa jetkizýdi jón sanaǵanyn aıtady.
- Qylmystyq is qozǵaıdy dep shyndyqty jasyryp qala almaımyz ǵoı. Keshe túnde ol kelinshek maǵan habarlasyp, ózin polıııa bólimine qamaǵanyn, telefondy esik aldynda alyp qalyp, paltosyna deıin sheship, jeleń kóılekpenen birneshe saǵat salqyn jerde ustaǵanyn aıtyp berdi. Ol jaıynda búkil jazbany telefonyma jazyp aldym. Sondyqtan endi muny eldiń nazaryna usynýdy jón kórdim. Munyń nesi qylmys? – deıdi Qural Medeýov.
Qyzylorda oblysy ákimdigi Qural Medeýovtyń Facebook áleýmettik jelisindegi jazbasyna baılanysty tekserý júrip jatqanyn, onyń nátıjesi keıinirek habarlanatynyn aıtty.
Naýryzdyń 5-i kúni Qyzylorda qalasynda ótken brıfıngide oblys ákiminiń orynbasary Serik Shotaev ákimdik esigi árkimge, solardyń arasynda baspana, járdemaqy máseleleri jaıly ótinishpen kelýshilerge de árdaıym ashyq ekenin aıtty. Ákimdikke kelgen barlyq aryz-ótinishter qaralyp, ókiletti organdarǵa joldanatyn bolady dep málimdedi sheneýnik.
"Azattyq radıosy"
