50 mln teńgeni jymqyrǵan qurylys basqarmasy bastyǵynyń orynbasary sottaldy

2041
Adyrna.kz Telegram

Aqmola oblysynda qurylys basqarmasy basshysynyń orynbasary 8 jylǵa sottaldy, dep habarlaıdy «Adyrna» tilshisi.

«Kókshetaý qalalyq sotynyń úkimimen Aqmola oblysy qurylys basqarmasy basshysynyń orynbasary M. Qanseıitov kináli dep tanylyp, ómir boıy memlekettik qyzmette qyzmet atqarý quqyǵynan shektelip, 8 jylǵa bas bostandyǵynan aıyryldy.

Sol úkimmen «Sarapshy Arsenal» JShS quryltaıshysy B. Shaımerdenov pen «Kókshestroı Tehnadzor» JShS tehnıkalyq qadaǵalaý ınjeneri O. Renn kináli dep tanylyp, sáıkesinshe 7,5 jáne 7 jylǵa bas bostandyǵynan aıyryldy.

Olarǵa memlekettik qyzmette 5 jyl merzimge qyzmet atqarý quqyǵynan aıyrý túrindegi jaza qoldanyldy»,—dep jazdy Antıkordyń baspasóz qyzmeti.

Tergeý barysynda sottalǵandardyń ýchınsk qalasynda júz páterlik turǵyn úı salýǵa bólingen 50,5 mıllıon teńge kóleminde qurylys montajdaý jumystary naqty oryndalmaǵany úshin bıýdjet qarajatyn urlaǵany dáleldendi.

Úkim zańdy kúshine engen joq.

Pikirler