Almaty qalasy máslıhatynyń VIII shaqyrylymyndaǵy «Amanat» partııasynan saılanǵan depýtaty Anna Bashınskaıa Ýkraına prezıdenti Vladımır Zelenskııge Qyrymnyń ornyna Túrkııaǵa shabýyl jasaýdy usyndy. Bul týraly ol Facebook-tegi Deutsche Welle paraqshasyndaǵy jazbanyń astyna pikir qaldyrǵan, dep habarlaıdy “Adyrna” ulttyq portaly.
«Túrkııa jaqsyraq, Zelenskıı myrza! Ol jerde jyl boıy jyly», - dep jazǵan Bashınskaıa.
Maqalada Zelenskııdiń anneksııalanǵan Qyrymdy Ýkraınanyń baqylaýyna qaıtarýyn kózdeıtin qarsy shabýyldy josparlap otyrǵany aıtylǵan. Zelenskıı suhbatynda Ýkraınanyń tabysy negizinen Batystyń Kıevke qarý-jaraq jetkizýdi jalǵastyra berýine baılanysty ekenin atap ótti.
Pikir bildirýshiler Bashınskaıanyń Qazaqstan azamaty bola tura, basqa eldiń prezıdentine usynys jasaǵanyna tań qalǵan.
Anna Bashınskaıa Facebook paraqshasynda jazǵan pikiri úshin ókinetinin aıtyp, keshirim surady.
“Men Túrkııa týraly jazǵanda ony múlde aıtqym kelgen joq. Men túrik baýyrlarymyzdan keshirim suraımyn. Ýkraına men Reseıge beıbitshilk tileımin. Bul jaǵdaıǵa pikir bildirýge meniń quqyǵym joq, meniz óz elim bar, men depýtat retinde eń aldymen eldiń qamyn oılaýym kerek”,- dep jazdy ol Facebook paraqshasyna.
Sondaı-aq, ol Deutsche Welle paraqshasyndaǵy jazbanyń astyna qaldyrǵan pikirin óshirip tastady.
