Búgin Almaty oblysynyń ákimi Marat Sultanǵazıev Raıymbek aýdanynyń turǵyndarymen kezdesti.
Basqosý ádettegideı, mal jáne aýyl sharýashylyǵy jaıly baıandamadan bastaldy.
Óńir basshysy Raıymbek aýdany kartop óndirýden aldyńǵy qatarda ekenin, degenmen bul aýmaqtyń ónerkásip ónimin óndirý kólemi boıynsha kenjelep turǵanyn aıtty.
«Aýdanda jumys isteıtin 14 ónerkásiptik kásiporyn – shaǵyn kásipkerlik sýbektileri. Onyń ishinde, kómir óndirý boıynsha «Búrkit» kompanııasy jáne altyn óndirý boıynsha «Naryn Gold» búginde óz qyzmetin toqtatty», – dedi oblys ákimi.
Sonymen qatar Marat Sultanǵazıev aýdanda ınvestıııa tartý jumysy da kóńil kónshiterlik emes ekenin tilge tıek etti.
«Investıııalar tartý boıynsha aýdan 1,4 paıyz úlesimen oblysta 8-shi oryn alyp otyr. Byltyr 8,7 mlrd. teńge ınvestıııa tartyldy. 2025 jylǵa deıin munda 9 joba júzege asyrylady, al joǵaryda aıtqandaı, 2 joba toqtap tur», – dedi oblys ákimi.
Bul máselelerdi sheshý úshin Marat Sultanǵazıev óziniń orynbasary Arslan Dándibaevqa, kásipkerlik basqarmasyna aýdan ákimimen birlesip, ınvestorlarǵa jan-jaqty qoldaý kórsetip, aýdan ekonomıkasyna ınvestıııa tartý jumysyn arttyrýdy jáne jumys istep turǵan kásiporyndardy keńeıtý arqyly óndiristi ulǵaıtýdy tapsyrdy.
