Negizi jaýapkershilik degen jaqsy uǵym bar. Memlekettik basqarýda bul óte qajetti uǵym. Eski bilim jáne ǵylym mınıstri basshylyqqa kele sala mektepterde pánderdi aǵylshyn tilinde oqytamyz degen bastama kótergeni esimde.
Negizi aǵylshyn tiline eshkim de qarsy emes edi. Biraq, Astana men Almatyda iske asýy múmkin bolsa da, Qazaqstannyń regıondarynda bul reformany tolyq iske asyrý úshin kemi 10-15 jyl ýaqyt pen satylap jetý qajet degendi sol kezderi kóp azamattar jazyp ta jatty. Aǵylshyn tilinde sabaq beretin muǵalim men bazanyń joqtyǵy bárine belgili dúnıe. Onlaın, odan qalsa, jazdyń kúnderi oflaın oqytamyz, bári zyń bolady dep aıtqanynan qaıtpady. Memlekettik blogerler, áleýmettik jelide belsendi jýrnalıster (onyń ishinde "Bolashaq" túlekteri de bar) neshe túrli "keremet bastama" degen jazbalaryn ústi-ústine burqyratyp jatty. Mınıstrmen kezdesip, kabınetinde selfıletip biraz dúnıeler jasady. Ózderi aqyldy, "Áı, bularyń asyǵystyq" degender aqymaq sekildi bolyp kórindi.
Keshe "Nur Otannyń" jıynynda Elbasy bul bastamanyń asyǵystyq bolǵanyn, bárin ýaqytymen asyqpaı jasaý kerektigin, jan-jaqty saraptap daıyndyqpen kelý qajettigin shegelep aıtty. Elkı-palkı osyny túsiný úshin 3 jyl ýaqyt kerek boldy ǵoı😀 Qansha muǵalimniń álegin shyǵaryp, júıkesine tıgen 3 jyl😀 Qanshama azamattyń paıymdy oı-pikirleri estilmegen 3 jyl. "Nur Otannyń" jıynyn qarap otyrsam álgi "Davaı da davaı, erteń alǵylshyn tili bola qalsyn" degenderdiń birazy sol basqosýda júr😀 Mınıstr ornynan ketti. Biraq, kezinde neshe túrli aqyldy post jazǵandar "Áı, kezinde sol jazǵandarymyz, eldi adastyrǵan bastamalarymyz qate bolypty. Asyǵystyq jasappyz" dep bir suxbat ne maqala, áleýmettik jelide bir keshirim suraǵan jazba da joq. Eshkim jaýapty emes! Ótti ketti! Ýaqytynda shýlatty. Búgin umytty! Raxat qoı😀Álde aqshaǵa zakazben jazdy ma eken?..
