Almaty oblysynda áıelderge qatysty qylmystyń óskeni tirkeldi. Ótken jyly olardyń altaýy «ashanadaǵy» tóbeleskenderdiń qolynan qazatapty, dep habarlaıdy Habar 24 .
Oblysta Qapshaǵaı sý qoımasynyń jaǵasynda ornalasqan Turmystyq zorlyq-zombylyq qurbandaryna áleýmettik kómek kórsetý ortalyǵy jumysyn bastady. Munda shalǵaı aýyldardan otbasylar keledi.
Almaty oblysynyń turǵyny Aqjoltaı Dúıshenqulqyzy bes jyl buryn shańyraq kóterip, úsh balany dúnıege ákelgen. Alaıda kúıeýi men durys qarym-qatynasy bolmady.
- «Kúıeýim meni úıden shyǵarmady. Men tipti syrtqa shyǵa almadym, depressııaǵa tústim. Ortalyqtyń qyzmetkerleri maǵan kómektesip, emoıonaldyq jaǵdaıym jaqsardy», – deıdi Aqjoltaı.
Ortalyqtyń qamqorlyǵyndaǵylar psıhologııalyq kómek pen zańgerlik keńesterdi tegin alady. Olar munda alty aı tura alady.
- «Biz jumyspen qamtý bólimimen tyǵyz jumys jasaımyz. Bizdiń áıelder úsh aılyq kýrstardan óte alady, sodan keıin biz olarǵa jumysqa ornalasýǵa kómektesemiz. Qajet bolsa, balalaryn tárbıeshilerge qaldyryp, jumysqa kirise alady», – deıdi ortalyq dırektory Raýshan Alpysbaeva.
Psıhologtardyń aıtýynsha, kóbine adam tózgisiz otbasylyq jaǵdaı sýııdke sebep bolady. Polıeıler áıelderdi úndemeı, senim telefonyna habarlasýǵa shaqyrady.
- «Sebepteri ár túrli: bireýde qyzǵanysh, bireýde araq ishetin kúıeýi, bireý jumys istemeıdi. Negizinen – materıaldyq qıyndyqtar, aqsha joqtylyǵy, sonyń negizinde turmystyq zorlyq-zombylyq faktileri bar. Qaqtyǵystyń barlyq faktileri anyqtaldy. Bolashaqta biz bul jerge áıeldi ornalastyramyz jáne onyń kúıeýine nemese aǵasyna qatysty ákimshilik, ne qylmystyq sıpatta ǵysharalar qoldanamyz. Jalpy ótken jyly oblysta turmystyq zorlyq-zombylyqqa ushyraǵan 80-nen astam áıel quqyq qorǵaýshylarǵa kómek surap júgingen. Olardyń barlyǵy Almatydaǵy daǵdarys ortalyǵyna jiberildi», - deıdi oblystyq polıııa departamenti jergilikti polıııa qyzmetiniń aǵa ınspektory Dınara Aıatbekova.
Almaty oblysynda ashylǵan ortalyq 50 adamǵa deıin qabyldaı alady.
