Алматы облысында әйелдерге қатысты қылмыстың өскені тіркелді. Өткен жылы олардың алтауы «асханадағы» төбелескендердің қолынан қазатапты, деп хабарлайды Хабар 24 .
Облыста Қапшағай су қоймасының жағасында орналасқан Тұрмыстық зорлық-зомбылық құрбандарына әлеуметтік көмек көрсету орталығы жұмысын бастады. Мұнда шалғай ауылдардан отбасылар келеді.
Алматы облысының тұрғыны Ақжолтай Дүйшенқұлқызы бес жыл бұрын шаңырақ көтеріп, үш баланы дүниеге әкелген. Алайда күйеуі мен дұрыс қарым-қатынасы болмады.
- «Күйеуім мені үйден шығармады. Мен тіпті сыртқа шыға алмадым, депрессияға түстім. Орталықтың қызметкерлері маған көмектесіп, эмоционалдық жағдайым жақсарды», – дейді Ақжолтай.
Орталықтың қамқорлығындағылар психологиялық көмек пен заңгерлік кеңестерді тегін алады. Олар мұнда алты ай тұра алады.
- «Біз жұмыспен қамту бөлімімен тығыз жұмыс жасаймыз. Біздің әйелдер үш айлық курстардан өте алады, содан кейін біз оларға жұмысқа орналасуға көмектесеміз. Қажет болса, балаларын тәрбиешілерге қалдырып, жұмысқа кірісе алады», – дейді орталық директоры Раушан Алпысбаева.
Психологтардың айтуынша, көбіне адам төзгісіз отбасылық жағдай суицидке себеп болады. Полицейлер әйелдерді үндемей, сенім телефонына хабарласуға шақырады.
- «Себептері әр түрлі: біреуде қызғаныш, біреуде арақ ішетін күйеуі, біреу жұмыс істемейді. Негізінен – материалдық қиындықтар, ақша жоқтылығы, соның негізінде тұрмыстық зорлық-зомбылық фактілері бар. Қақтығыстың барлық фактілері анықталды. Болашақта біз бұл жерге әйелді орналастырамыз және оның күйеуіне немесе ағасына қатысты әкімшілік, не қылмыстық сипатта ғышаралар қолданамыз. Жалпы өткен жылы облыста тұрмыстық зорлық-зомбылыққа ұшыраған 80-нен астам әйел құқық қорғаушыларға көмек сұрап жүгінген. Олардың барлығы Алматыдағы дағдарыс орталығына жіберілді», - дейді облыстық полиция департаменті жергілікті полиция қызметінің аға инспекторы Динара Аятбекова.
Алматы облысында ашылған орталық 50 адамға дейін қабылдай алады.
