QR Oqý-aǵartý mınıstri Ǵanı Beısembaevtyń Qyzylorda oblysyna jumys sapary Qazaly, Jalaǵash aýdandarynda jalǵasty.
Qazaly aýdanyndaǵy R.Baǵlanova atyndaǵy aýdandyq mádenıet ortalyǵynda vedomstvo basshysy men oblys ákimi Nurlybek Nálibaev bilim salasy, quqyq qorǵaý organdary qyzmetkerlerimen, zııaly qaýym ókilderimen jáne ata-analarmen kezdesti. Kámeletke tolmaǵandar arasyndaǵy quqyqbuzýshylyqtyń aldyn alý máselesi boıynsha «Bala tárbıesi – barshamyzǵa ortaq mindet» atty birlesken keńes otyrysyna qatysty. Jıynda Qyzylorda oblystyq polıııa departamenti bastyǵynyń mindetin atqarýshy Shamshıdın Amıtov, oblystyq bilim basqarmasynyń basshysy Meırambek Shermaǵambet jáne aýdan ákimi Muhtar Orazbaev baıandama jasap, ustazdar men ata-analar óz pikirlerin bildirdi.
Aımaq basshysy tárbıe isindegi basty baǵdar balalardyń quqyq buzýshylyqqa barmaýyn qatań qadaǵalaý ekenin, bul oraıda atqarylýy tıis is-sharalardy atap ótti.
«Qyzylorda qalasy men aýdan ákimderi, oblystyq bilim basqarmasynyń jáne oblystyq polıııa departamentiniń basshylyǵy oqý oryndary basshylarymen birlese otyryp, balalarǵa qatysty zorlyq-zombylyqty, olardyń ózara qarym-qatynasyndaǵy keleńsizdikti boldyrmaýǵa baǵyttalǵan jedel jumystardy kúsheıtýi tıis. Ol úshin oqýshylardyń bos ýaqyty durys ári paıdaly etip uıymdastyrylýy kerek. Jastar ortalyqtarymen birlesip, quqyqbuzushylyqqa beıim oqýshylardy qoǵamdyq sharalarǵa, mektep janyndaǵy sport, mýzyka, óner úıirmelerine keńinen tartý jemisin beredi. Sot, prokýratýra jáne polıııa ókilderin shaqyrtyp, jaýapkershilik, jasóspirimder jasaǵan qylmystar men tártip buzýshylyqtardyń saldary týraly oqý saǵattaryn uıymdastyrsyn. Balalar quqyqbuzýshylyqqa barmaýy úshin belsendi azamattar, ardagerler, ata-analar komıteti, bilim salasyna janashyr depýtattar ortaq iske azamattyq turǵyda ún qosýy tıis», – dedi oblys ákimi.
Baıqońyr qalasyna aıaldaǵan QR Oqý-aǵartý mınıstri osyndaǵy №277 mektep-lıeıinde ustazdar qaýymymen pikirlesti. Baıqońyr qalasyna arnaıy baǵdarlama jasaýdy tapsyryp, bitirýshi túlekterge grant bólý máselesin sheshý qajettigin atap ótti.
Ári qaraı vedomstvo basshysy men oblys ákimi Jalaǵash aýdanyndaǵy Tań aýylyna bardy. Aýyldaǵy №118 mektep ujymymen kezdesip, jańa avtobýs tabystady. Eske salsaq, Qyzylorda oblysy ákiminiń qoldaýymen aımaqtaǵy aýyl mektepteri 30 jańa avtobýspen tolyǵady. Bul balalardy mektepke jáne úılerine qaýipsiz tasymaldaýdy qamtamasyz etýge múmkindik beredi. Kólikter 20 jáne 40 orynǵa shaqtalǵan. Mektep avtobýstarynyń tehnıkalyq sıpattamalary barlyq talaptarǵa sáıkes keledi. Qaýipsizdik beldikteri, apatty jaǵdaı týyndaǵandaǵy shyǵý joly, jyldamdyq shektegishter men sáıkestendirý belgileri bar, avtobýsta bala qalǵan jaǵdaıda belgi beretin júıemen jabdyqtalǵan.
